skol
Kigali
startimes

Habonetse abantu 17 banduye Coronavirus mu Rwanda hakira abandi 39

Amakuru   Yanditswe na: Dusingizimana Remy 7 August 2020 Yasuwe: 1279

Uyu munsi tariki ya 07 Kanama 2020, mu Rwanda habonetse abantu 17 banduye Coronavirus barimo 12 babonetse I Rubavu mu Baturarwanda batashye bahita bashyirwa mu kato,Kigali:4,Rulindo:1. Abamaze kwandura Coronavirus bose mu Rwanda ni 2,128.


Uyu munsi kandi hakize 39 bituma umubare w’abamaze gukira iki cyorezo mu Rwanda baba 1,297. Abakirwaye:826. Abapfuye:5

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Mu gukomeza kwirinda ikwirakwira rya Coronavirus, abaturarwanda basabwa gukomeza kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.

Abanduye coronavirus ku mugabane wa Africa barenze miliyoni imwe, gusa kugeza ubu uyu mugabane ntabwo wazahajwe cyane n’iki cyorezo, urebye ahandi.

Kimwe cya kabiri cy’abo bose banduye bari mu gihugu kimwe, Afurika y’Epfo.

Mu bihugu byinshi ariko haracyari ikigero cyo hasi cyane cyo gupima, bivuze ko abanduye bashobora kuba barenze abamaze kuboneka.

Ubwandu bwinshi kugeza ubu bwiganje mu bice by’imijyi.

Ku isi, abantu barenga miliyoni 18.6 babasanzemo iyi ndwara naho abagera ku 702,000 imaze kubica nk’uko bivugwa n’ishami rya ONU ryita ku buzima OMS/WHO.

Muri Africa, iki cyorezo kimazekwica abantu 21,000 mu gihe abagera ku 670,000 bagikize.

John Nkengasong ukuriye ikigo cy’umuryango w’ubumwe bwa Afurika cyo kurwanya ibyorezo (DCD), yabwiye BBC ko 70% by’abanduye iyi ndwara muri Africa bayikize.

Yagize ati: "Sintekereza ko uyu mugabane ukwiye gushya ubwoba, ahubwo tugomba kwibanda ku gukora ibikwiriye no gukoresha siyansi mu gufata ingamba".

Mu bihe bishize, OMS yavuze ko umugabane wa Africa ufite ikibazo cy’ubucye bw’ibyuma bifasha abarembye guhumeka (ventilators).

Mu bihugu bimwe abaganga binubiye ko badafite ibikoresho byabugenewe byo kwirinda mu gihe bari kwita ku barwayi muri iki gihe cy’icyorezo.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Nyamasheke: Umugore yahawe inka nyuma yo gushyira mu kato umugabo we...

Ubuyobozi bw’ Akarere ka Nyamasheke bwashyikirije umuryango wa Habarugira...
23 September 2020 Yasuwe: 1999 0

Abantu 16 banduye Coronavirus mu Rwanda abandi 18 barayikira

Minisiteri y’ubuzima yatangaje ko uyu munsi tariki ya 22 Nzeri 2020,abantu...
22 September 2020 Yasuwe: 870 0

Komisiyo y’Uburenganzira bwa muntu yasuye Rusesabagina aho afungiye...

Komisiyo y’Igihugu y’Uburenganzira bwa Muntu yatangaje ko yasuye Bwana Paul...
22 September 2020 Yasuwe: 10631 0

Umugabo w’imyaka 58 yabaye umuntu wa 27 wishwe na Covid-19 mu...

Kuri uyu Mbere tariki ya 21 Nzeri 2020, Minisiteri y’Ubuzima yatangaje ko...
21 September 2020 Yasuwe: 1795 0

Abantu 51 bakize Coronavirus mu Rwanda mu gihe abandi 21 bayanduye

Minisiteri y’Ubuzima yatangaje ko uyu munsi tariki ya 20 Nzeri 2020,mu...
20 September 2020 Yasuwe: 1364 1

Umunyarwandakazi w’imyaka 26 yabaye umuntu wa 26 uhitanywe na Covid-19 mu...

Kuri uyu Gatandatu tariki ya 19 Nzeri 2020, Minisiteri y’Ubuzima yatangaje...
19 September 2020 Yasuwe: 4067 1