skol
Kigali
startimes

Habonetse abantu 24 banduye Coronavirus barimo abo muri Rutsiro na Nyagatare

Amakuru   Yanditswe na: Dusingizimana Remy 30 June 2020 Yasuwe: 840

Minisiteri y’Ubuzima yatangaje ko kuri uyu wa Kabiri tariki 30 Kamena 2020,abantu 24 aribo bagaragaye ko banduye Coronavirus mu bipimo 3,694 byafashwe mu gihe bane bayikize barasezererwa.


Aba barwayi bashya 24 barimo 13 babonetse mu Karere ka Rusizi, barindwi muri Kigali, babiri mu Karere ka Ngoma, umwe w’i Nyagatare n’umwe wo mu Karere ka Rutsiro.

Ubwandu bushya bwabonetse mu gihugu bwatumye abamaze kwandura Coronavirus mu Rwanda bagera kuri 1025 mu bipimo 143943 bimaze gufatwa birimo 3694 byafashwe uyu munsi.

Kuri uyu wa 30 Kamena 2020 kandi abantu bane basezerewe mu bitaro, umubare w’abamaze gukira ugera kuri 447.

Abaturarwanda basabwa gukomeza kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune, kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi mu nsisiro cyangwa ahatuye imiryango myinshi.

Kugeza ubu nta muti n’urukingo bya Coronavirus biraboneka, hakoreshwa uburyo bwo kuvura ibimenyetso by’iki cyorezo gusa, kugeza umubiri w’umuntu wubatse ubudahangarwa, virus igashira ityo mu maraso.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Uyu munsi u Bufaransa bwageneye Leta y’u Rwanda miriyari zirenga 53 z’amafaranga y’u Rwanda (angana na miriyoni 49,5 z’Amayero), nk’inguzanyo yo gushyigikira ibikorwa bigamije guhangana n’icyorezo cya Koronavirusi (COVID-19) n’ingaruka zacyo, ndetse no guteza imbere imibereho myiza y’abaturage.

Nk’uko bitangazwa n’Ambasade y’u Bufaransa mu Rwanda, amasezerano yo guhabwa iyo nguzanyo izanyuzwa mu Kigo k’Igihugu gishinzwe Iterambere mu Bufaransa (AFD), yashyizweho umukono kuri uyu wa kabiri tariki 30 Kamena 2020.

Ambasade y’u Bufaransa mu Rwanda itangaza ko iyo nkunga ishingiye ku mubano mwiza ukomeje kurangwa hagati y’ibihugu byombi uturuka ku bushake bw Politiki bwaranze Perezida wa Repubulika y’u Rwanda Paul Kagame na Perezida w’u Bufaransa Emmanuel Macron.

Na none kandi iyo nguzanyo inashyira mu ngiro umuhigo w’u Bufaransa ku Rwanda nk’uko wari wemejwe n’Umuyobozi wa AFD Rémy Rioux, mu ruzinduko yagiriye i Kigali muri Kamena 2019.

Guverinoma y’u Bufaransa iteganya ko iyo nguzanyo izongera imbaraga zo guhangana n’icyorezo cya COVID-19 ndetse ikagira n’uruhare mu kongera gusuganya urwego rw’imirimo mu gihugu.

Ikiciro cya mbere cy’ayo masezerano kigizwe n’inguzanyo ya miriyoni 40 z’amayero azifashishwa mu gushyigikira ingamba zo kurwanya COVID-19 na gahunda zigamije gusubiza ku murongo ubuzima bw’abaturage zashyizweho na Leta.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Abandi bantu 2 bahitanwe na Covid-19 mu Rwanda handura abandi...

Kuri uyu Gatanu tariki ya 18 Nzeri 2020, Minisiteri y’Ubuzima yatangaje ko...
18 September 2020 Yasuwe: 1748 0

Umugabo w’imyaka 48 yabaye umuntu wa 23 Covid-19 yahitanye mu...

Kuri uyu Kane tariki ya 17 Nzeri 2020, Minisiteri y’Ubuzima yatangaje ko I...
17 September 2020 Yasuwe: 2212 0

Abantu 150,000 bamaze kwemererwa gukuramo inda mu Rwanda kuva muri...

Imiryango iharanira uburenganzira bwa muntu mu Rwanda ivuga ko kuva itegeko...
17 September 2020 Yasuwe: 1167 1

Habonetse abantu 10 banduye COVID-19 mu Rwanda hakira abandi...

Minisiteri y’Ubuzima yatangaje ko uyu munsi tariki ya 16 Nzeri 2020,mu...
16 September 2020 Yasuwe: 1224 0

IFOTO Y’UMUNSI:Perezida Kagame yagaragaye ateruranye ubwuzu bwinshi...

Nyakubahwa Perezida wa Repubulika,Paul Kagame,yashyize hanze ifoto ateruye...
16 September 2020 Yasuwe: 3546 1

Antoinette Niyongira arakwereka uko wakwikorera imitobe y’imbuto ituma...

Hari uburyo wavanga imboga n’imbuto ugakora imitobe iryoshye, ikagufasha...
15 September 2020 Yasuwe: 3883 0