startimes
Kigali
startimes

Habonetse abarwayi 16 ba Coronavirus mu Rwanda hakira abantu 13

Amakuru   Yanditswe na: Dusingizimana Remy 9 July 2020 Yasuwe: 1241

Sponsored Ad


Kuri uyu wa Kane tariki ya 09 Nyakanga 2020,mu Rwanda habonetse abarwayi bashya 16 ba Covid-19 hakira abandi 13. Babonetse Rusizi:7, Kigali:4, Kirehe:4, Ngoma:1.

Abamaze kwandura iyi ndwara bose hamwe ni 1,210.Uyu munsi hakize abantu 13 bituma abamaze gukira baba 623.Abakirwaye ni 584.Abamaze gupfa ni 3.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Mu gukomeza kwirinda ikwirakwira rya Coronavirus, abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.

Uburyo imibare y’abatahurwaho icyorezo cya COVID-19 ikomeza kuzamuka mu Rwanda, muri Afurika ndetse no ku Isi muri rusange, burashimangira ko ibintu byinshi bishobora guhinduka mu gihe gito, ingaruka z’icyo cyorezo zikaba zishobora kuba mbi kurusha izo kimaze guteza mu gihe kimaze.

Ukwezi kwa Gicurasi kwashoje, abenshi mu Baturarwanda bahumurizwa n’uko umubare munini w’abatahurwaho icyorezo cya COVID-19 baba ari abacyanduriye mu mahanga, ariko bari bataramenya uko icyuho gito cyaboneka mu kubahiriza amabwiriza yo kwirinda cyatuma hari bamwe basubizwa muri Gahunda ya Guma mu Rugo n’imibare y’abandurira mu gihugu ikarushaho kwiyongera.

Nubwo byatangiye umubare munini w’abatahurwaho icyorezo cya COVID-19 utangazwa ko baturutse mu mahanga, kuri ubu byahinduye isura kuko abanduriye mu Gihugu babakubye inshuro ebyiri.

Minisiteri y’Ubuzima yatangaje ko kugeza ku wa Gatatu tariki 08 Ntyakanga 2020, umubare w’abamaze kugaragaraho icyorezo cya COVID-19 mu Rwanda wari ugeze ku 1,194 barimo 610 bakize, 581 bakirwaye, na 3 cyambuye ubuzima.

Imibare itangwa n’Ikigo k’Igihugu gishinzwe Ubuzima (RBC) igaragaza ko ababarirwa muri 385 ari bo banduriye iki cyorezo mu mahanga, mu gihe abarenga 800 banduriye mu Gihugu imbere.

Impinduka zidasanzwe mu kwezi kumwe

Ukwezi kwa Kamena kwagaragayemo impinduka zidasanzwe, ubwo hagaragaraga imibare iri hejuru cyane kurusha iyagiye igaragara mu mezi agera kuri atatu yabanje.

Muri uko kwezi ni ho hagaragaye abantu bagera ku 101 mu munsi umwe wo ku itariki ya 26 Kamena, ukaba ari wo mubare uri hejuru watahuwe mu munsi kuva iki cyorezo cyagaragara mu Rwanda.

Guverinoma y’u Rwanda ikomeje gusaba Abaturarwanda kurushho kubahiriza amabwiriza yo kwirinda no gukumira ikwirakwizwa rya COVID-19 kuko kudohoka mu kuyubahiriza ari ugushyira ahazaza h’Igihugu mu kaga gakomeye.

Nubwo hashyizwe imbaraga nyinshi mu gupima mu buryo bwa rusange ngo hamenyekane uko ubwandu buhagaze mu Gihugu, buri wese arasabwa kwirinda ku giti ke ndetse agaharanira kurinda n’abandi kuko bishoboka ko hari abatarapimwa bagendana ubwo burwayi.

Ishami ry’umuryango w’abibumbye ryita ku buzima (OMS/WHO) riravuga ko uretse mu Rwanda, ku Mugabane w’Afurika abandura COVID-19 n’abo ihitana bari kwiyongera ku muvuduko udasanzwe.

Imibare yatangajwe na Africa CDC yerekana ko muri Afurika abamaze kwandurabageze ku 509,584 barimo 247,207 bakize n’abandi 12,000 bahitanywe na cyo.

Abamaze kwandura icyo cyorezo ku Isi bamaze kurenga miriyoni 12.1 barimo abakize barenga miriyoni 7 n’abapfuye 552,204.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Habonetse abantu 17 banduye Coronavirus mu Rwanda hakira abandi...

Uyu munsi tariki ya 07 Kanama 2020, mu Rwanda habonetse abantu 17 banduye...
7 August 2020 Yasuwe: 1173 0

Covid-19: Abantu 21 bakize mu Rwanda abandi 7 bashya barayandura

Minisiteri y’Ubuzima yatangaje ko kuri uyu wa Kane tariki ya 06 Kanama 2020,...
6 August 2020 Yasuwe: 864 0

Rubavu: Wa mubyeyi wabyariye mu bitaro ari kuvurwa Covid-19 yasezerewe...

Umubyeyi witwa Cyizanye Marie Béata umaze iminsi 20 abyariye mu Kigo cyita...
6 August 2020 Yasuwe: 1131 0

Covid-19: Abantu 15 bakize mu Rwanda abandi 5 bashya barayandura

Minisiteri y’Ubuzima yatangaje ko kuri uyu wa Gatatu tariki ya 05 Kanama...
5 August 2020 Yasuwe: 1017 0

Abashoferi ba Yahoo barajwe mu kibuga kubera kurenza saa tatu bari mu kazi...

Bamwe mu bashoferi batwara abagenzi mu mu modoka za kompanyi itwara...
5 August 2020 Yasuwe: 2887 0

Abantu 53 bakize Coronavirus mu Rwanda mu gihe 7 aribo bayanduye

Kuri uyu wa Mbere tariki ya 04 Kanama 2020,Minisiteri y’Ubuzima yatangaje ko...
4 August 2020 Yasuwe: 1379 0