skol
Kigali
startimes

Huye: Abakodesha amazu bari mu gahinda gakomeye ko kubura abapangayi kubera ifungwa ry’amashuri na Kaminuza

Amakuru   Yanditswe na: 20 June 2020 Yasuwe: 1642

Abafite amazu akodeshwa mu mujyi wa Butare wo mu karere ka Huye uzwi cyane nk’umujyi w’ubukungu bushingiye kuri Kaminuza y’u Rwanda n’amashuri yisumbuye ahari, barataka igihombo cyo kubura abapangayi kubera ko amashuri na Kaminuza byafunzwe igihe kirekire.

Abanyeshuri barenga 10,000 ba kaminuza babaga muri uyu mujyi, kuva mu kwezi kwa gatatu kugeza mu kwezi kwa cyenda ntabahari, aba basanzwe bagize igice cy’ingenzi cy’abaguzi ba serivisi i Butare.

Nyuma y’iminsi irindwi coronavirus igeze mu Rwanda, tariki 14/03/2020 leta yatangaje ko amashuri yose mu Rwanda afunzwe, nyuma ivuga ko azongera gufungura mu kwa kwezi kwa cyenda uyu mwaka.

Buri munyeshuri wa Kaminuza y’u Rwanda ahabwa buri kwezi inguzanyo ya leta y’amafaranga 40,000 azwi cyane nka ’bourse’, ni ukuvuga miliyoni zisaga 400 buri kwezi ubu zitakijya mu mujyi wa Butare.

Utongeyeho ibikorwa by’ibigo by’amashuri yisumbuye nabyo bifatiye runini ubucuruzi n’ubuzima muri uyu mujyi.

Agace kazwi nka Madina mu mudugudu wa Mamba, akagari ka Butare, umurenge wa Ngoma, ni iruhande rwa Kaminuza y’u Rwanda ishami rya Huye, haba abanyeshuri babarirwa mu magana.

Aha haba ’restaurants’ nyinshi, ubucuruzi buciriritse n’amacumbi menshi yubatswe n’abantu ku giti cyabo bijyanye n’ubushobozi bw’abanyeshuri, iyo badahari ubuzima buba busa n’ubwahagaze.

Umugabo utifuje gutangazwa amazina uhafite amacumbi yabwiye BBC ko mu miryango 30 akodesha ubu hasigayemo abantu batatu.

Ati: "Muri abo basigaye harimo umwe wabuze aho ajya kuko iwabo ari muri Nyabihu aho inzu yabo yashenywe n’ibiza. Twaramubwiye tuti ’ba wigumiye hano kuko n’aho wari kujya ni ibibazo’".

Avuga ko kuri we, n’abandi nka we bacumbikira abanyeshuri, bari mu gihombo gikomeye, kugeza abanyeshuri bagarutse.

Ati: "Ni amacumbi twubatse mu buryo bw’ubushobozi bw’abanyeshuri, nta wundi muntu waza ngo ahacumbike kuko nta n’ibindi bikorwa bituriye kaminuza biri hano hafi byakurura abantu ngo baze gucumbikamo".

Mu yindi mijyi mu Rwanda, ubuzima buri kugaruka nka mbere nyuma y’uko ingamba zikomeye zo kwirinda ikwirakwira rya Covid-19 zigenda zoroshywa.

I Butare ho, abatwara abantu, abakora ubucuruzi butandukanye, abakora imirimo ishingiye ku banyeshuri nk’isuku, n’ibindi …bugarijwe n’ingaruka zo kuba ubu nta banyeshuri bahari.

Viateur Munyaneza yashinze ’restaurant’ aho anacuruza ibintu nka ’pizza’, ’hamburger’ n’ibindi abanyeshuri bakunda nk’uko abivuga.

Avuga ko mbere ya coronavirus yakiraga abantu bari hagati ya 50 na 70 ku munsi, biganjemo abanyeshuri.

Bwana Munyaneza ati: "Ariko ubu, bushobora kwira nakiriye nk’abantu batanu b’abaturage basanzwe bihitira, ni uko tuba twanga gufunga ngo bavuge ngo hariya harafunze.

"Kuva corona yatangira kuzageza mu kwezi kwa cyenda nibwo ubuzima buzongera gutangira, gacye gacyeya".

Inkuru ya BBC

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Abantu 13 bo mu mujyi wa Kigali banduye Covid-19

Kuri uyu wa Gatandatu tariki ya 26 Nzeri 2020,hafashwe ibipimo 1,894,...
26 September 2020 Yasuwe: 1541 0

Umugore n’umugabo bahitanwe na Covid-19 mu Rwanda

Kuri uyu wa Gatanu tariki ya 25 Nzeri 2020,Minisiteri y’ubuzima yatangaje ko...
25 September 2020 Yasuwe: 4647 0

Abantu 55 bakize Covid-19 mu Rwanda abandi 10 barayandura

Kuri uyu wa Kane tariki ya 24 Nzeri 2020, abantu 10 basanzwemo COVID-19 mu...
24 September 2020 Yasuwe: 1196 0

Ubwami bw’u Bubiligi bwahaye Leta y’u Rwanda imbangukiragutabara...

Ubwami bw’u Bubiligi bwahaye u Rwanda imbangukiragutabara 40 zifite agaciro...
24 September 2020 Yasuwe: 1697 0

Izindi mpunzi 511 z’Abarundi zari mu nkambi ya Mahama zahungutse

Icyiciro cya gatatu cy’impunzi 511 z’Abarundi, cyahagurutse mu nkambi ya...
24 September 2020 Yasuwe: 591 0

Habineza François yishwe atemaguwe n’umugore we afatanyije n’abakobwa be...

Mu gitondo cyo kuri uyu Gatatu tariki ya 23 Nzeri 2020, umugabo witwa...
24 September 2020 Yasuwe: 2202 0