IFOTO Y’UMUNSI:Abise ingagi amazina bifotoje hamwe na Jeannette Kagame
Yanditswe: Friday 02, Sep 2022
Abashyitsi biganjemo ibyamamare bise amazina abana b’ingagi 20 kuri uyu wa Gatanu, bafashe ifoto y’urwibutso na Madamu Jeannette Kagame ndetse na Minisiteri w’Intebe, Dr Edouard Ngirente.
Abarimo umunyamuziki wo muri Senegal Youssou N’Dour wahoze ari Minisitiri w’Ubukerarugendo, itsinda ry’abaririmbyi rya Sauti Sol, abaririmbyi bo muri Kenya Sauti Sol, Didier Drogba umunya-Côte d’Ivoire wahoze akinira ikipe ya Chelsea, Umunyamabanga Mukuru w’umuryango w’ibihugu bivuga Igifaransa Louise Mushikiwabo, (...)
Abashyitsi biganjemo ibyamamare bise amazina abana b’ingagi 20 kuri uyu wa Gatanu, bafashe ifoto y’urwibutso na Madamu Jeannette Kagame ndetse na Minisiteri w’Intebe, Dr Edouard Ngirente.
Abarimo umunyamuziki wo muri Senegal Youssou N’Dour wahoze ari Minisitiri w’Ubukerarugendo, itsinda ry’abaririmbyi rya Sauti Sol, abaririmbyi bo muri Kenya Sauti Sol, Didier Drogba umunya-Côte d’Ivoire wahoze akinira ikipe ya Chelsea, Umunyamabanga Mukuru w’umuryango w’ibihugu bivuga Igifaransa Louise Mushikiwabo, Umusifuzi Mpuzamahanga Salma Mukansanga bise amazina abana b’ingagi.
Izo ngagi zahawe amazina zavutse kuva mu mpera z’umwaka ushize no mu ntangiriro z’uyu wa 2022.
Igikorwa cyo kuzita amazina kigamije kurengera izi nyamaswa no guteza imbere ubukerarugendo bw’u Rwanda – urwego rwinjiriza amadevize menshi u Rwanda.
Ni umuhango ngarukamwaka ubaye ku nshuro ya 18, nibwo bwa mbere ubaye abantu bakoranye kuva Covid-19 yatera.
Kuva iki gikorwa cyatangira mu myaka 17 ishize, abashinzwe ubukerarugendo bavuga ko ingagi zirenga 350 zahawe amazina.
Amazina yahawe ingagi
Ubwuzuzanye – ryatanzwe n’iIgikomangoma Charles cy’u Bwongereza, kuri video
Imararungu – ryatanzwe na Uzo Aduba, umukinnyi w’amafilime
Igicumbi - Dr Evan Antin umuganga w’inyamaswa n’umunyamakuru kuri Televisiyo
Indangagaciro - Neri Bukspan uyobora Standard & Poor’s Credit Market Service
Ubwitange - Dr Cindy Descalzi Pereira, rwiyemezamirimo
Ishami - Didier Drogba wahoze akinira Chelsea FC
Intare - Itzhak Fisher umukuru w’inama y’ubutegetsi ya RDB
Muganga Mwiza (mu kuzirikana Dr Paul Farmer) - Laurene Powell Jobs washinze ikigo Emerson Collective akaba n’umugore wa nyakwigendera Steve Jobs
Baho - Dr Frank I. Luntz perezida wa Luntz Global
Nyirindekwe - Sterwart Maginnis wungirije umukuru w’umuryango mpuzamahanga wita ku bidukikije
Ruragendwa - Thomas Milz umutegetsi muri Volkswagen Group South Africa & Sub-Saharan Africa
Kwibohora - Salima Mukansanga umusifuzi mpuzamahanga w’umupira w’amaguru
Turikumwe - Louise Mushikiwabo umunyamabanga mukuru (OIF) -
Ihuriro - Youssou N’Dour icyamamare muri muzika wo muri Senegal
Imbaduko - Naomi Schiff icyamamare mu masiganwa y’imodoka wo mu Bubiligi
Indatezuka - Kaddu Sebunya umukuru w’Umuryango nyafurika ubungabunga urusobe rw’ibinyabuzima
Impanda - Gilberto Silva: Uwahoze akinira ikipe ya Arsenal
Kwisanga - Sauti Sol itsinda ry’abanyamuziki ryo muri Kenya
Ikuzo - Juan Pablo Sorin uwahoze akinira Paris Saint –Germain
Kwanda - Moses Turahirwa umunyamideli washinze inzu y’imideri ya Moshions
Ubusugire - Sir Ian Clark Wood, umukuru wa The Wood Foundation
AMAFOTO::INYARWANDA
Leave a Reply
Your email address will not be published. Required fields are marked *