Minisitiri w’Ububanyi n’amahanga wa Barbados, Kerrie Drurard Symmonds, na Minisitiri wa siporo mu Rwanda , Aurore Mimosa , kuri uyu wa Kane bafunguye ku mugaragaro umukino “Road Tennis”, uzajya ukinirwa mu muhanda imbere y’inyubako ya Kigali Convention Centre na rondpoint ya KBC.
Kuri uyu wa Gatatu, tariki 9 Ugushyingo 2022, ni bwo u Rwanda rwasinyanye amasezereno y’ubufatanye na Barbados mu bijyanye no guteza imbere imikino.
Aya masezerano akubiyemo imikoranire mu guhanahana impuguke (...)

Sponsored Ad

Minisitiri w’Ububanyi n’amahanga wa Barbados, Kerrie Drurard Symmonds, na Minisitiri wa siporo mu Rwanda , Aurore Mimosa , kuri uyu wa Kane bafunguye ku mugaragaro umukino “Road Tennis”, uzajya ukinirwa mu muhanda imbere y’inyubako ya Kigali Convention Centre na rondpoint ya KBC.

Kuri uyu wa Gatatu, tariki 9 Ugushyingo 2022, ni bwo u Rwanda rwasinyanye amasezereno y’ubufatanye na Barbados mu bijyanye no guteza imbere imikino.

Aya masezerano akubiyemo imikoranire mu guhanahana impuguke n’abatoza bazobereye mu mikino itandukanye.

Minisitiri wa Siporo, Munyangaju Aurore Mimosa yavuze ko ku ikubitiro u Rwanda rwifuza gutangiza umukino wa Tennis ikinirwa mu muhanda, gahunda ruzafashwamo na Barbados ifite inzobere nyinshi muri uyu mukino.

Yakomeje avuga ubu hari ahantu hane mu Mujyi wa Kigali hamaze gutegurwa hazajya hakinirwa uyu mukino wa Tennis ikinirwa mu muhanda.

Ku ikubitiro, uyu mukino uzatangizwa ku mugaragaro ku wa Kane, tariki 10 Ugushyingo 2022. Uyu mukino kandi uzajya ukinirwa ku Kimisagara n’i Nyamirambo.

U Rwanda rugiye gutangiza umukino wa Tennis ikinirwa ku muhanda nyuma y’uko muri Mata 2022 Perezida Paul Kagame yagiriye uruzinduko muri Barbados ndetse akagaragara akina uyu mukino.

Uyu mukino ujya gukinwa nka Tennis ikinirwa ku meza,aho hakinwa amaseti atatu buri imwe ifite amanota 21, utanze undi gutsinda amaseti abiri muri atatu niwe uba utsinze umukino.

Umukino wa Tennis ikinirwa mu muhanda watangiriye muri Barbados mu 1930.

Ibibuga bya mbere by’uyu mukino mu Rwanda biri:
Kigali Convention Center
Kimisagara kuri maison
Kabuga
Nyamirambo