Kigali

Kirehe: Polisi na RSB bafunze inganda 3 zakoraga inzoga z’inkorano zitujuje ubuziranenge

Amakuru   Yanditswe na: Iyamuremye Janvier 9 September 2017 Yasuwe: 287

Ku itariki ya 7 Nzeri, Polisi y’u Rwanda ifatanyije n’ikigo cy’igihugu gishinzwe gutsura ubuziranenge (RSB) ndetse n’ubuyobozi bw’akarere ka Kirehe bari mu gikorwa cyo kugenzura isuku n’ubuziranenge bw’inganda zikora inzoga mu mirenge ya Mahama na Gahara.

Muri iri genzura byagaragaye ko inganda za COVAPOBA, COIDGA na CTAGA zose zikorera mu mirenge ya Mahama na Gahara zitujuje ibisabwa n’amategeko, zikaba zarafunzwe kubera isuku nke, ubuziranenge bw’ibinyobwa bakora ndetse n’ibikoresho byubatse izo nganda.

Umuyobozi w’akarere ka Kirehe Muzungu Gerard wari uyoboye itsinda ryari ririmo gukora iri genzura, yavuze ko basanze bimwe mu byo bakoresha mu binyobwa byabo bishobora kugira ingaruka mbi ku buzima bw’ababinywa ndetse ko izo nganda zakoresheje ibipimo binyuranyije n’ibyo ikigo cy’igihugu cy’ubuziranenge cyabahaye.

Umuyobozi w’akarere ka Kirehe yagize ati:” Twasanze ingero ngenderwaho (Samples) ikigo cy’igihugu cy’ubuziranenge cyabahaye bitandukanye n’ibyo bo bakora bakabijyana ku isoko, ndetse n’uburyo bafunga ibinyobwa byabo nta buziranenge burimo”.

Umuvugizi wa Polisi y’u Rwanda mu Ntara y’i Burasirazuba, Inspector of Police (IP) Jean Bosco Dusabe,yavuze ko hari izindi nganda zigera ku icumi nazo zagaragaye ko zikora mu buryo bunyuranyije n’amategeko ndetse hakaba hari izikora zidafite ibyangombwa ndetse zikanakoresha ibikoresho bishobora kugira ingaruka mbi ku buzima bw’abantu.

Yagize ati: Muri iyi Ntara, hari inganda nk’izi twabonye zikora mu buryo bunyuranyije n’amategeko, hari n’izo usanga zikora zitagira ibyangombwa bya RSB.

IP Dusabe akomeza avuga ko iri ngenzura ritarangiye ko ahubwo rizakomeza mu tundi turere two mu Ntara y’I Burasirazuba mu rwego rwo kurengera ubuzima bw’abaturage.

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Nyamasheke: Umusore yagwiriwe n’ikirombe ahita yitaba Imana

Ku itariki ya 20 Gashyantare, mu karere ka Nyamasheke mu murenge wa...
24 February 2018 Yasuwe: 158 0

Kigali: Ahacururizwaga inyama hari isuku nke hafunzwe

Kuri uyu wa gatanu tariki ya 23 Gashyantare, Polisi y’u Rwanda, Minisiteri...
24 February 2018 Yasuwe: 316 0

Rusizi: Akeneye ubufasha bwawe, umwana we yamize igiceri cy’i 100 gihagama...

Umubyeyi witwa Mukashyaka Louise utuye mu Mudugudu wa Nyabihanga mu Kagari...
20 February 2018 Yasuwe: 2170 1

Musanze: Abanyeshuri 82 bajyanywe kwa muganga nyuma yo kurya...

Abanyeshuri bagera kuri 82 biga mu Rwunge rw’Amashuri (GS) Muko riherereye...
15 February 2018 Yasuwe: 1124 0

Karongi: Ku myaka 50, intoki, amano n’ikirenge byatobowe n’amavunja-AMAFOTO

Umugabo witwa Iribanje Ildefonse uri mu kigero cy’imyaka 50 y’amavuko utuye...
14 February 2018 Yasuwe: 1738 2

Kigali: Umugore yafatanywe uruhinja yibye

Polisi y’u Rwanda yataye muri yombi umugore wari wibye uruhinja rw’amezi...
11 February 2018 Yasuwe: 2955 0