Kigali

Muhanga: Umugore yatwitse umwana we akoresheje umuhoro ushushye

Amakuru   Yanditswe na: Iyamuremye Janvier 31 January 2018 Yasuwe: 1045

Mu karere ka Muhanga Uwitije Beatrice utuye mu kagari ka Makera, mu murenge wa Cyeza yatwitse umwana we w’umukobwa ufite imyaka 11 y’amavuko kubera amakosa yoroheje yakoze.

Umuvugizi wa Polisi mu Ntara y’Amajyepfo, Chief Inspector of Police (CIP) Emmanuel Kayigi yavuze ko iperereza ry’ibanze rigaragaza ko uyu mugore w’imyaka 44 y’amavuko yatwitse umwana we akoresheje umuhoro ushushye.

Yagize ati,"Iki gikorwa kigayitse uyu mugore yagikoze ku itariki 25 z’uku kwezi. Uwo mwana yamutwitse ahantu hatandatu ku maguru yombi no ku kubuno. Abaturanyi be ni bo bamumutesheje bumvise aboroga anatabaza, bahita babimenyesha Polisi."

Uwitije afungiwe kuri Sitasiyo ya Polisi ya Nyamabuye mu gihe dosiye ye irimo gukorwa kugira ngo ishyikirizwe Ubushinjacyaha.

Afatwa nk’umwana umuntu wese utagejeje imyaka 18 y’amavuko. Kumukoresha imirimo ivunanye kandi ibuzanyijwe n’amategeko, kutamwandikisha mu bitabo by’irangamimerere ku gihe giteganyijwe n’amategeko, kutamuvuza, kumuvana mu ishuri, kumwima urubuga rwo gutanga ibitekerezo no kwidagadura, kumusambanya, gukuramo inda, kumuta, kumushimuta, kutamubwira ababyeyi be no kumukubita ni bimwe mu byaha by’ihohotera bikorerwa abana.

Mu butumwa bwe, CIP Kayigi yagize ati," Abana bakorerwa ihohoterwa ry’uburyo butandukanye. Hari ababavana mu ishuri kugira ngo babafashe imirimo imwe n’imwe nko guhinga no gucuruza. Abandi babakoresha imirimo ivunanye kandi ibuzanyijwe n’amategeko nko gucukura amabuye y’agaciro (Mu birombe), gucukura no gutunganya amabuye yo kubakisha, gucukura umucanga, no kubikoreza imitwaro mu isoko (Bashaka amafaranga). "

Yagize kandi ati," Hari na none ababaha ibihano biremereye bibabaza umubiri nko kubakubita no kubaboha; hakaba n’ababatwikisha ibintu bitandukanye nk’uko uyu mugore yabigenje. Abakora ibi bikorwa; ndetse n’ibindi turarondoye baragirwa inama yo kubihagarika."

Yibukije ko umuntu ubonye amakuru yerekeranye n’ihohotera ryakorewe umwana cyangwa abana yayamenyesha Polisi kuri nimero za telefone zitishyurwa 116 na 3029 (Isange One Stop Centers); cyangwa akagana Sitasiyo ya Polisi imuri hafi.

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Imodoka yavaga mu mugi yerekeza Nyabugogo yataye umuhanda igonga abantu 7...

Polisi y’ u Rwanda ishami rishinzwe wo mu muhanda yavuze ko imodoka yo mu...
11 January 2019 Yasuwe: 4481 0

Umunyamideli w’umunyarwandakazi witeguraga gukora ubukwe vuba yapfuye...

Umunyamideli wari warabigize umwuga Alexia Uwera Mupende yitabye Imana ku...
9 January 2019 Yasuwe: 4580 0

Mukangendahayo Joselyne arwaye uburwayi budasanzwe butuma aruka ibikeri,...

Mukangendahayo Joselyne, umukobwa utuye mu mudugudu wa Rusasa mu kagari ka...
31 December 2018 Yasuwe: 4660 0

Uyu mubyeyi arashinja abaganga bo mu bitaro bya Muhima kumurangarana...

Ibitaro bya Muhima mu Mujyi wa Kigali birimo gukurikirana ikibazo cy’umugore...
26 December 2018 Yasuwe: 2815 1

Musanze: Hari imiryango yaboneje urubyaro igirwaho Ingaruka n’uburyo...

Mu Karere ka Musanze mu ntara y’Amajyaruguru hari imiryango itifujwe...
22 December 2018 Yasuwe: 1282 0

Komisiyo y’Abakozi ba Leta yasabye Minisante kwirukana abakozi bayo batanze...

Mu ibaruwa yo ku italiki 5/11/2018 Komisiyo y’abakozi ba Leta yandikiye...
20 December 2018 Yasuwe: 10692 6