Ibihugu bya Armeniya na Azerbayijani byasakiranye ku munsi wejo hashize , hapfa abasirikare hafi ijana ku mpande zose. Ibi bihugu birapfa intara ya Nagorno-Karabakh buri ruhande rwita iyayo.

Sponsored Ad

Ibihugu bya Armeniya na Azerbayijani byasakiranye ku munsi wejo hashize , hapfa abasirikare hafi ijana ku mpande zose. Ibi bihugu birapfa intara ya Nagorno-Karabakh buri ruhande rwita iyayo.

Minisiteri y’ingabo muri Azerbayijani yavuze ko abasirikare 50 b’icyo gihugu bapfuye bitewe n’ubushotoranyi bwa’Armeniya.

kurundi ruhande,Armeniya nayo yatangaje ko yatakaje abasirikare bayo hafi 49.

Azerbayijani ishinja Armeniya kutubahiriza amasezerano yo guhagarika intambara basinye mu 2020 bafashijwe n’Uburusiya.

Armeniya yatabaje abategetsi b’ibihugu byo kw’isi gufasha,nyuma y’aho uko guhangana kongeye kwaduka.

Minisitiri w’ububanyi n’amahanga wa Amerika , Antony Blinken yasabye abategetsi b’ibyo bihugu bibiri guhagarika uko gukorana mu jisho no kwihutira bagashaka igisubizo cyabageza ku mahoro.

Ibi bihugu bibiri byarwanye intambara ebyiri bipfa iyo ntara. Iyo mu myaka y’1990 no mu 2020.

Intambara yamaze ibyumweru 6 muri 2020 yarangiye ari uko Uburusiya bufashije mu kubumvikanisha.