skol
Kigali
startimes

Padiri Twagirumukiza wayoboye College Christ Roi y’i Nyanza yahitanwe na Covid-19

Amakuru   Yanditswe na: Dusingizimana Remy 13 January 2021 Yasuwe: 4865

Padiri Twagirumukiza Herménégilde uri mu bagize uruhare mu gushinga ishuri rya Collège Saint-Albert ryizemo impunzi z’abanyarwanda bari baramenesherejwe mu Burundi yitabye Imana azize Covid-19.


Twagirumukiza na nyuma yo kugera mu Rwanda yakomeje kuba umurezi kuko yayoboye College Christ Roi y’i Nyanza.

Uyu mupadiri wari mu zabukuru, muri uyu mwaka yari kuzuza imyaka 60 ari umusaserdoti, yakoze imirimo itandukanye muri Butare, no muri paruwasi za Ngoma na Nyanza.

Inkuru y’itabaruka rya Padiri Twagirumukiza yamenyekanye mu gitondo cyo kuri uyu wa Gatatu tariki 13 Mutarama 2021, aho yaguye mu Bitaro bya Kaminuza bya Butare (CHUB) azize Covid-19, nkuko itangazo ryatanzwe na Musenyeri wa Diyosezi ya Butare, Filipo Rukamba ribigaragaza.

Amakuru IGIHE dukesha iyi nkuru yahawe n’umwe mu baziranye na we ndetse akaba na Padiri mugenzi we, avuga ko yari ageze mu zabukuru ndetse ngo yari amaze iminsi arwaye.

Padiri Twagirumukiza yavutse mu 1931, abatizwa ku wa 11 Gashyantare 1931. Yaherewe Ubupadiri i Butare ku wa 23 Gicurasi mu 1961.

Abaziranye nawe bavuga ko yahawe Ubupadiri mu bihe bikomeye byaranze amateka y’u Rwanda ubwo bamwe mu banyarwanda bo mu bwoko bw’Abatutsi bameneshwaga na Leta bagahungira mu bihugu bitandukanye.

Mu 1962 nibwo Padiri Twagirumukiza yahawe ubutumwa bwo kujya mu Burundi gufasha abanyarwanda bari bahungiyeho mu bijyanye no kuba hafi y’Imana ndetse n’ibindi bikorwa bitandukanye.

Padiri Twagirumukiza wari ugiye I Burundi yoherejwe na Kiliziya Gatolika ngo yagezeyo afatanya na bamwe mu Banyarwanda babaga muri icyo gihugu bafite ubushobozi ndetse n’ababaga I Burayi no mu bindi bihugu nka Leta Zunze Ubumwe za Amerika batekereza uko bashinga ishuri.

Ni ishuri ryitwaga Collège Saint-Albert ryizemo abanyarwanda benshi banaje kugaruka mu gihugu cyabo kuri ubu bakaba ari abantu bibeshejeho.

Padiri Twagirumukiza yagarutse mu Rwanda ndetse nyuma ya Jenoside yakorewe Abatutsi mu 1995, aza kuba mu bambere bayoboye College Christ Roi ry’I Nyanza, aho yatangiye mu 1996 kugeza mu 2001, ubwo yahabwaga inshingano muri Paruwasi Gatolika ya Ngoma mu Mujyi wa Butare.

Uyu mupadiri kandi yari umwanditsi w’ibitabo aho akiri mu buhungiro yanditse icyitwa ‘Urubanza rw’Imana n’Impunzi’, kigaragaramo amarangamutima y’abantu bari barahunze ndetse yibaze icyo batekereza ku Mana.

Padiri Twagirumukiza kandi nyuma ya Jenoside yakorewe Abatutsi yanditse igitabo cyitwa ‘Komerwa yombi warakomorewe’ kigaruka ku mitima y’abantu bakwiriye gushima ya Mana baburanyaga bakiri mu buhungiro noneho ikaba yarabakomoreye bagomba kuyikomera amashyi.

Mu cyumweru gishize, Padiri Ubald Rugirangoga, umwe mu bazwi cyane mu Rwanda, yaguye muri Amerika azize indwara zazamuwe na Covid-19 nk’uko ibinyamakuru muri leta ya Utah aho yaguye byabivuze.

INKURU YA IGIHE

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble bihoyiki

    Uyu mupadiri Imana imwakire mu bayo,kandi dukomeze kwirinda covid 19

    3 days ago

Inzindi nkuru

Abantu 02 bahitanwe na Covid-19 mu Rwanda abandi 182 barayandura

Minisiteri y’Ubuzima yatangaje ko uyu munsi tariki ya 17 Mutarama...
17 January 2021 Yasuwe: 4044 1

Ibitaro bya Leta byose byategetswe kuvura abarwayi ba Covid-19 hakoreshejwe...

Minisiteri y’Ubuzima yategetse ibitaro byose bya Leta ko guhera kuri uyu wa...
17 January 2021 Yasuwe: 3678 0

Covid-19 yahitanye abantu 2 mu Rwanda,Imibare y’abanduye iracyatumbagira

Minisiteri y’Ubuzima yatangaje ko uyu munsi tariki ya 16 Mutarama...
16 January 2021 Yasuwe: 4402 0

Abagabo 5 bo mu mujyi wa Kigali bahitanwe na Covid-19 abandi bantu 257...

Minisiteri y’Ubuzima yatangaje ko uyu munsi tariki ya 15 Mutarama...
15 January 2021 Yasuwe: 4536 1

Dr Thomas Kigabo wari ushinzwe ubukungu muri BNR yitabye Imana

Dr.Thomas Kigabo RUSUHUZWA wari Umuyobozi Mukuru ushinzwe ubukungu muri...
15 January 2021 Yasuwe: 5475 0

Abantu 5 bahitanwe na Covid-19 mu Rwanda abandi 194 barayandura

Minisiteri y’Ubuzima yatangaje ko uyu munsi tariki ya 14 Mutarama...
14 January 2021 Yasuwe: 4460 0