Kigali

Rulindo: Abana baguwe nabi nyuma yo kugaburirwa inzoka

Amakuru   Yanditswe na: Nsanzimana Ernest 31 March 2018 Yasuwe: 5179

Rulindo: Abana baguwe nabi nyuma yo kugaburirwa inzoka

Abana babiri bavukana bo mu murenge wa Ntarabana mu karere ka Rulindo bajyanywe mu bitaro babemerewe nabi nyuma yo kugaburirwa inzoka babeshywa ko ari ifi.

Nyuma yo kugaburirwa inzoka na mugenzi wabo ababwira ko ari ifi, bahise bafuruta umubiri wose batangira no kuribwa mu nda ni ko guhita babajyana ku bitaro bya Rutongo.

Umunyamabanga Nshingwabikorwa w’Umurenge wa Ntarabana, Mutuyeyezu Émilien, yatangarije Igihe dukesha iyi nkuru ko amakuru y’uko aba bana bariye inzoka nawe yayamenye.

Yagize ati “Ayo makuru natwe twarayamenye ko hari abana babiri bo mu mudugudu wa Rukore baba baragaburiwe inyama z’inzoka n’undi w’imyaka icyenda kandi ko we izo nyama ataziriye ariko kugeza ubu nta gihamya cya muganga turabona.”

Uyu muyobozi yakomeje avuga ko yaraye agiye gusura aba bana aho bari barwariye agasanga bajyanwe ku bitaro bikuru.

Ati “Ku wa Kabiri umubyeyi wabo yari yahise abajyana ku Kigo Nderabuzima cya Kajevuba, ariko ku mugoroba nagiye kubasura nsanga bamaze kubohereza ku bitaro bya Rutongo kuko akana gato kari kamerewe nabi.”

Uyu muyobozi yavuze ko basabye polisi gukora iperereza ngo hamenyekane niba koko aba bana baragaburiwe inyama z’inzoka, hanamenyekane icyatumye uyu mwana azibagaburira.

Ababyeyi bagiriwe inama ko bakwiye kuba hafi y’abana babo bakamenya n’ibyo bariye, kandi bakibuka gutangira amakuru ku gihe dore ko ngo inkuru y’ibyabaye kuri aba bana itahise imenyekana.

Twifuje kumenya icyavuye mu bizamini byafashwe n’abaganga ntibyadukundira kubera ko Umuyobozi w’Ibitaro bya Rutongo atigeze yitaba telefoni inshuro zose twamuhamagaye.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble Ntamfurayishyari Silas

    Oohh my God!
    Ibi birababaje kabisa. Ese iyo nzoka yishwe na nde? Uwayishe ntayijugunye niwe Kabitera. Ese bayiriye yokeje cg itetse. Ninde wayitunganije kugeza ubwo iribwa?. Polisi ikore iperereza.
    Inama: Abanyarwanda dukwiye kwimakaza kirazira nk umuco uturanga, tukabitoza n abana bacu, kuko uwo mwana w imyaka 9 ntiyarose ko inzoka yaba iribwa, afite ababimubeshye. Imana itabare abo bana bakire.

    31 March

Inzindi nkuru

Umugore wabyaye afite imyaka 14 araburira abakiri bato

Umubyeyi w’abana 8 ukomoka mu Murenge wa Kagogo mu Karere ka Burera, ubu...
15 October 2018 Yasuwe: 1213 1

‘Ntabwo dufora niyo mpamvu dukora ubushakashatsi’ Dr Ndimubanzi

Minisiteri y’ ubuzima yirinze gutangaza niba ifite icyizere ko...
10 October 2018 Yasuwe: 459 0

Gisagara: Ababyeyi bazirika umwana w’ imyaka ine ku ntebe si uko...

Umuryango utuye mu mudugudu wa Karugumya ,Akagali ka Kigarama, Umurenge wa...
9 October 2018 Yasuwe: 2326 0

Nyarugenge: Umubyeyi w’ umwana ufite uburwayi bw’ amayobera arasaba ubufasha...

Umubyeyi witwa Niyongere Liziki utuye murenge wa Kimisagara arasaba Leta y’...
6 October 2018 Yasuwe: 3077 2

Rusizi: Umugabo yasambanyije abana be abangiza imyanya myibarukiro

MURWANASHYAKA Gaspard usanzwe ari umushoferi wa Taxi Voiture,utuye mu...
2 October 2018 Yasuwe: 3373 0

Gisagara: Abarenga 50 bajyanywe kwa muganga nyuma y’ uko basangiye ikigage...

Abarenga 50 b’ingeri zinyuranye batashye ubukwe ku wa Gatandatu mu murenge...
1 October 2018 Yasuwe: 625 1