Guhera kuwa Gatanu w’iki cyumweru hakomeje gahunda y’ikingira ku banyarwanda bafite ibyago byinshi byo kuba wakwandura Covid-19 n’abo ishobora guhitana aho kuri uyu wa Kabiri hakingiwe ingeri zitandukanye zirimo Abanyonzi,abamotari,abo mu rwego rwa DASSO n’abandi.
Kuva kuri uyu wa Kabiri tariki ya 09 Werurwe 2021, muri Gereza ya Nyarugenge hatangiye igikorwa cyo gutanga urukingo rwa COVID-19 ku mfungwa n’abagororwa.
Ku ikubitiro abakingirwa ni abarengeje imyaka 60 y’amavuko ndetse n’abarwaye (...)

Sponsored Ad

Guhera kuwa Gatanu w’iki cyumweru hakomeje gahunda y’ikingira ku banyarwanda bafite ibyago byinshi byo kuba wakwandura Covid-19 n’abo ishobora guhitana aho kuri uyu wa Kabiri hakingiwe ingeri zitandukanye zirimo Abanyonzi,abamotari,abo mu rwego rwa DASSO n’abandi.

Kuva kuri uyu wa Kabiri tariki ya 09 Werurwe 2021, muri Gereza ya Nyarugenge hatangiye igikorwa cyo gutanga urukingo rwa COVID-19 ku mfungwa n’abagororwa.

Ku ikubitiro abakingirwa ni abarengeje imyaka 60 y’amavuko ndetse n’abarwaye indwara zidakira.

Abakora umwuga wo gutwara abagenzi kuri moto nabo kandi bakingiwe guhera mu gitondo cyo kuri uyu wa kabiri. Ni igikorwa kirimo kubera i Gikondo ahakunze kubera imurikagurisha.

Bamwe mu bakingiwe bavuga ko bagiye gukomeza kubahiriza amabwiriza yo kwirinda.

U Rwanda rwari rumaze gukingira abaturage 208.677 nyuma y’iminsi ine urukingo rwa Coronavirus rutangiye gutangwa aho kuri uyu wa Mbere rwahawe abagera ku 10.224.

Imibare ya Minisiteri y’Ubuzima yagaragaje ko ku munsi w’ejo, abantu 108 banduye Coronavirus, bituma umubare w’abamaze kuyandura mu Rwanda uba 19.659 mu bipimo 1.040.087 birimo 2.483 byafashwe ejo ku wa 8 Werurwe 2021.

Abarwayi bakize biyongereyeho 71 bituma abamaze gukira bagera kuri 17.911 mu gihe abakirwaye ari 1480, barimo 20 barembye. Umubare w’abamaze kwitaba Imana wagumye kuri 268 kuko nta muntu wapfuye ahitanywe na Coronavirus mu masaha 24 yashize.

Minisiteri y’Ubuzima yatangaje ko abamaze gukingirwa bose guhera ku wa 5 Werurwe 2021, ubwo hatangizwaga igikorwa cyo gukingira Coronavirus mu Rwanda, bangana na 208,677.

Ku munsi wa kane w’igikorwa cyo gukingira Coronavirus mu Rwanda hakingiwe abantu 10.224; hibanzwe ku baganga, abarwaye indwara zidakira, abamugaye, abakozi ba RwandAir n’abo ku Kibuga Mpuzamahanga cy’Indege cya Kigali, abacuruzi n’abatwara taxi n’abandi.