Kigali

WhatsApp: Hari Gukusanywa inkunga ya Ndahimana wambaye kambambili agiye gusezerana

Amakuru   Yanditswe na: Nsanzimana Ernest 3 December 2018 Yasuwe: 4291

Abakoreshwa Whatsapp bashyizeho uburyo bwo gukusanya inkunga yo gufasha umugabo Ndahimana Narcisse w’imyaka 42 wagaragaye yambaye kambambili afashe ku ibendera azamuye ukuboko kw’iburyo, asezerana mu mategeko n’umugore we Mutuyemariya Consilie w’imyaka 33.

Ku wa Gatanu tariki 30 Ugushyingo 2018 nibwo ku mbugankoranyambaga hakwirakwiye ifoto ya Ndahimana n’ umugore we basezerana imbere y’ amategeko. Ubu bukwe bwabaye ku wa 29 Ugushyingo 2018 mu murenge wa Shyogwe mu Karere ka Muhanga Ndahimana Narcisse atuye mu mu kagali ka Kinini, Umudugudu wa Gatare.

Iyi foto yakoze bamwe ku mutima kuko Ndahimana yagaragaye yambaye imyenda iciriritse cyane n’ inkweto za kambambili ubusanzwe zikoreshwa mu bwogero.

Nyuma y’ uko iyi foto ikwirakwiye ku mbugankoranyambaga itangazamakuru ryasuye uyu muryango umaze imyaka 9 ubana risanga n’ ubusanzwe ubayeho nabi.

Ndahimana yavuze ko yagiye gusezerana baburaye, bavayo nabyo kurya bafite. Yarwaye akiri muto, afite ubundi burwayi ku mubiri we ari nabwo bwatumye yambara kambambili agiye gusezerana, kuko nubwo ari umukene, atari gushobora kwambara inkweto n’iyo aba anazifite.

Ndahimana ngo ntiyatewe ipfunwe no kwambara imyenda asanganwe kandi agiye gusezerana, kuko nta bundi bushobozi yari afite ngo wenda akodeshe ikositimu nk’abandi.

Mutuyemariya Consilie yavuze ko ariwe uca inshuro akagaburira umugabo we akoresheje akayiko. Ndahimana yabwiye itangazamakuru ko yasanze nta yindi mpano yaha umugore we umaze imyaka 9 amwitaho.

Umuryango wa Ndahimana uba mu nzu yasigiwe na nyirakuru washyizwe mu kiciro cya 3 cy’ ubudehe.

Ubuzima bubabaje uyu muryango ubayemo bwatumye bamwe mu bamenye iyi bashyiraho itsinda rya WhatsApp ‘Dufashe Ndahimana’ rigamije gufasha umuryango wa Ndahimana ukeneye yohereza ubutumwa kuri 0788753543.

Inkuru irambuye kanda hano : Ndahimana wasezeranye imbere y’ amategeko yambaye kambambili yavuze icyabimuteye.

Minisitiri w’ Ubutegetsi bw’ Igihugu Anastase Shyaka yashimiye itangazamakuru avuga ko umuryango wa Ndahimana ugiye gufashwa.

Yagize ati “ Mwakoze nkuru ya Ndahimana na Mutuyemariya. Akarere ka Muhanga bagiye kubagoboka byihuse. Leta y’ u Rwanda yashyizeho inkunga y’ingoboka ngo twunganire nk’aba. Nibyo hari ibigomba kunozwa mu byiciro by’ubudehe. Intego yabyo ni ukuva mu bukene no kwigira”

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble Rukundo

    Ni ukuri abantu bagiye gufasha Ndahimana Imana izabaha umugisha.

    5 months ago
  • chat_bubble Fiancre

    Umuryang.rw murakoze kuduha who twanyuza imfashanyo ya Ndahimana, iyi nkuru nari narayibonye ariko mbura aho mpera mufasha.

    5 months ago
  • chat_bubble lamiko

    akagali numurenge batuyemo kobitamutabarije se abayobozi bikigihe nugucungana nushahara mtakazi bagikora

    5 months ago

Inzindi nkuru

Munyengango umusaza w’imyaka 102 wasezeranye kubana akaramata na...

Umusaza w’imyaka 102 witwa Munyengango Berckmas yasezeranye kubana akaramata...
2 May 2019 Yasuwe: 2696 0

Igeragezwa ry’urukingo rwa Ebola rirakomereza mu Rwanda, ese abo rwagiraho...

Kuva ejo taliki 15/4/2019 Minisiteri y’Ubuzima igiye gutanga urukingo rwa...
14 April 2019 Yasuwe: 2266 1

Ese ikibazo cyangwa indwara yo kunanirwa gutera akabariro no kubaka urugo...

Ubusanzwe Libido ni imbaraga zisunika umuntu zimwerekeza ku kumva ashaka...
27 March 2019 Yasuwe: 3513 1

Indwara za karande zigera kuri 95% ziravurwa zigakira burundu...

Dr. Peter Murugu Dr. Peter Murugu, umuganga uturuka muri Kenya ubu...
12 March 2019 Yasuwe: 2255 0

Dr Murugu yafunguye amarembo mu Rwanda, arasaba kumwizera ubundi amibe...

Dr Peter Murugu ukomoka muri Kenya ni umuvuzi ukoresha ibimera, akavura...
2 March 2019 Yasuwe: 2491 1

Mu gahinda kenshi Dr Byamungu wakoraga muri BRD n’abana be 4 bapfiriye mu...

Dr Byamungu wari Umuyobozi ushinzwe ishoramari muri Banki y’Igihugu...
12 January 2019 Yasuwe: 12267 2