Burera: Polisi yataye muri yombi abagore 4 binjizaga mashashi mu Rwanda

Amakuru   Yanditswe na: Iyamuremye Janvier 3 October 2017 Yasuwe: 235

Mu rucyerera rwo kuri uyu wa kabiri tariki ya 3 Ukwakira, Polisi y’u Rwanda ikorera mu karere ka Burera yataye muri yombi abagore 4 bakekwaho kwinjiza no gucuruza mu Rwanda amashashi, ibintu ubundi bitemewe n’amategeko y’u Rwanda.

Abafashwe ni Mukanduyiye Liberatha w’imyaka 42 wafatanywe amaduzeni 32, Uwamahoro Francoise w’imyaka 35 wafatanwe amaduzeni 40, Nyirasafari Felicite w’imyaka 53 wafatanywe amaduzeni 70 na Imanizibayo Julienne w’imyaka 29 wafatanywe amaduzeni 80.

Umuvugizi wa Polisi mu Ntara y’Amajyaruguru Inspector of Police (IP) Innocent Gasasira, yavuze ko aba bantu bari bari mu modoka yavaga Burera yerekeza Musanze, abo bari kumwe mu modoka akabona hari ibintu bakenyereyeho kuko bagaragaraga ko ari banini mu buryo budasanzwe, nibwo umwe yahaye amakuru Polisi, nayo itegerereza iyo modoka mu murenge wa Gahunga, irayihagarika basatse abo bagore basanga ibyo bakenyereyeho ni amashashi, ari nabwo bahise batabwa muri yombi, ubu bakaba bafungiye kuri Sitasiyo ya Polisi ya Gahunga.

IP Gasasira yavuze ati:”Aba bagore bari basanzwe bazwiho kwinjiza mu Rwanda inzoga zitemewe ziba ziri mu mashashi, ariko kubera ko babonaga ko kuzinjiza bitakiborohera kuko zidatwarika neza bigatuma bafatwa, bahisemo kwinjiza amashashi kuko yo biborohera kuyahisha no kuyinjiza mu gihugu.”

Yavuze ko kwinjiza amashashi mu Rwanda bitemewe n’amategeko, anashishikariza abantu kubyirinda kuko bihanwa n’amategeko kandi akaba yangiza ibidukikije.

Aha yavuze ati:”Turashishikariza abanyarwanda ndetse n’abanyamahanga kwirinda kwinjiza amashashi mu Rwanda, kuko amashashi yangiza urusobe rw’ibinyabuzima”.

Yashimiye umuturage watanze amakuru yatumye aba bagore bafatwa, anasaba buri muturage gukomeza gukorana na Polisi mu rwego rwo gukumira no kwirinda ibyaha, barushaho gutangira amakuru ku gihe y’ikintu cyose gishobora guhungabanya umutekano.

Ingingo ya 433 yo mu gitabo cy’amategeko ahana ibyaha mu Rwanda ivuga ko umuntu wese ukoresha isashe ikozwe muri pulasitiki, ahanishwa ihazabu y‟amafaranga y’u Rwanda kuva ku bihumbi bitanu (5.000) kugeza ku bihumbi ijana (100.000) kandi akamburwa iyo sashe, naho uyigurisha atabyemerewe, agahanishwa ihazabu y’amafaranga y’u Rwanda kuva ku bihumbi icumi (10.000) kugeza ku bihumbi magana atatu (300.000).

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Rutsiro: Umusore n’ umukobwa bapfuye bitunguranye habura iminsi 3 ngo bakore...

Umusore n’ umukobwa bo mu murenge wa Gihango akarere ka Rutsiro bitabye...
18 April 2018 Yasuwe: 7879 0

Padiri Kambanda Libelle yitabye Imana azize impanuka umushoferi we wayiteje...

Padiri Libelle KAMBANDA wari Umuyobozi wa Caritas muri Diyosezi ya Butare...
17 April 2018 Yasuwe: 9736 3

Umupolisi w’i Burundi wafatiwe ku mupaka w’u Rwanda yasubijwe...

Kuwa gatanu, umupolisi wo ku mupaka Irakoze Théogene ku ruhande rw’i Burundi...
16 April 2018 Yasuwe: 1567 1

Umunyarwandakazi yiciwe muri Malawi n’ abantu bamuteye ibyuma

Umukobwa w’ umunyarwandakazi witwaga Muganga yiciwe muri Malawi hashira...
13 April 2018 Yasuwe: 12792 4

Umusirikare w’ u Rwanda yaguye muri Centrafrique atabara abaturage bari...

Umwe mu basirikare b’ u Rwanda bari mu butumwa bw’ amahoro muri Centreafrica...
11 April 2018 Yasuwe: 4847 1

Nyabugogo: Bisi ya KBS yahunze umumotari igonga inzu irangirika...

Imodoka ya kampani itwara abagenzi mu mugi wa Kigali KBS yakoreye impanuka...
2 April 2018 Yasuwe: 5728 1