Icyo impuguke zivuga ku kirunga cya Nyiragongo kiragaragaza ibimenyetso byo kuruka

Amakuru   Yanditswe na: Nsanzimana Ernest 21 October 2017 Yasuwe: 2779

Hashize ibyumweru bibiri abatuye hafi y’ ikirunga cya Nyiragongo babona urwokotsi rwinshi ruturuka muri iki kiruga ku mwanya nijoro hagasohokamo umuriro.

Ibi byateye abo baturage impugenge bibwira ko ikiranga cya Nyiragongo kibarizwa muri Repubulika iharanira Demurasi ya Congo cyaba kiri hafi kongera kuruka.

Dr Dushime Dyrckx ukurikiranira hafi ibiza n’imitingito mu Burengerazuba bw’u Rwanda, yatangarije Kigali Today dukesha iyi nkuru ko Nyiragongo itari hafi kongera kuruka nubwo yongereye ibimenyetso byo kuruka.

Avuga ko uretse imitingito habaye kwiyongera kw’imyotsi isohoka mu ndiba y’ikirunga, ariko akavuga ko ibi bimenyetso byatangiye kugabanuka ku buryo bidateye impungenge.

Agira ati “Ni byo hashize nk’ibyumweru bibiri humvikana imitingito myinshi mito hamwe no kwiyongera kw’imyotsi ariko hari itsinda ryasuye ikirunga biboneka ko bidateye impungenge nkuko abantu babikeka.”

Akomeza avuga ko icyo kirunga kiri mu ibara ry’umuhondo bivuze ko nta mpungenge giteye.

Yagize ati “Ibirunga biracyari mu ibara cy’umuhondo bivuze ko bishobora kuruka ariko si aka kanya. Abantu batuze kuko hari ibigaragaza ko kigiye kuruka twabamenyesha, bakurikirane itangazamakuru kuko niryo ridufasha kumenyekanisha amakuru.”

Dr Dushime avuga ko uikirunga kigiye kuruka abantu bahungishwa kandi habaye imyiteguro. Naho kubirebana n’imyotsi isohoka mu kirunga, asaba abantu kwirinda gukoresha amazi y’imvura kubera ingaruka yabateza.

Ati “Ni byiza kwirinda amazi y’imvura kuko iriya myotsi iyo igeze mu kirere ihinduka imisenyi ikaza ikagwa ku mboga, imboga n’ibindi biribwa, nibyiza kubyoza n’amazi meza.”

Ikirunga cya Nyiragongo giheruka kuruka 2002 aho cyatwaye ubuzima bw’abantu ndetse kigasenya umujyi wa Goma. Abagituriye bakaba bahora bikanga ko cyakongera kubateza akaga.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Amajyepfo:Babiri bafatanwe ibikoresho byo mu nzu bibye

Polisi y’u Rwanda ikorera mu turere twa Nyamagabe na Huye yataye muri yombi...
17 February 2018 Yasuwe: 623 0

Kirehe: Gitifu afunzwe acyekwaho gutera inda umwana w’ imfubyi wamukoreraga...

Umugabo w’ imyaka 35 uyobora kamwe mu tugari two mu karere ka Kirehe yatawe...
16 February 2018 Yasuwe: 1321 0

Ngoma: Hari amafarumasi yafatiwemo imiti yarengeje igihe

Ubuyobozi bw’ akarere ka Ngoma bwakoze igenzura busanga amwe mu mafarumasi...
14 February 2018 Yasuwe: 319 0

Gakenke: Igisasu cyakomerekeje batanu aho bivugwa ko hahoze ibirindiro bya...

Abaturage batanu muri 150 barimo bahanga umuhanda mu Murenge wa Kivuruga mu...
13 February 2018 Yasuwe: 1225 0

Gatsibo: Pasiteri yaburiwe irengero nyuma gutera inda imfubyi yareraga...

Pasiteri Kayumba Fiston wayoboraga itorero Revelation Church Nyamatete ryo...
12 February 2018 Yasuwe: 2036 3

Gasabo: Umugabo yishe umugore babyaranye ngo yamwanduje SIDA

Umugabo w’ imyaka 27 wo mu karere ka Gasabo, I Gasogi mu kagari ka Rudashya,...
9 February 2018 Yasuwe: 2350 2