Inka ebyiri zirimo ihaka z’uwarakotse Jenosise zatwitse, ngo bamwigambyeho ko azashumbushwa izindi-AMAFOTO

Amakuru   Yanditswe na: Iyamuremye Janvier 25 August 2017 Yasuwe: 2442

Umugabo witwa Hategekimana Jean Marie Vianney warokotse Jenoside utuye mu Murenge wa Bumbogo mu karere ka Gasabo, yatewe n’abagize banabi bamutwikira inka ebyiri zimo ihaka.

Ibi byabaye kuri uyu wa 23 kanama 2017 ahagana saa tanu z’amanywa, bibera mu Mudugudu wa Karama, Akagari ka Nyabikenke. Inkuru ya Kigalitoday ducyesha iyi nkuru ivuga ko umushumba w’izo nka witwa Ntahomvukiye Yoweli yari yagiye kuzivomera amazi.

Hategekimana yavuze ko abamutwikiye inka ze kugeza n’ubu ataramenya ari abantu batishimira ko yarokotse Jenoside yakorewe Abatutsi mu 1994. Uyu mugabo avuga ko ku munsi wakurikiye uwo inka ze zatwitsweho hari abigambye bavuga ko ntacyo yahombye kuko azashumbushwa izindi nk’uwarokotse Jenoside.

Byabaye ku manywa yihangu

Yakomeje avuga ko yatangajwe akabanabazwa n’uburyo abaturanyi be ba hafi batamutabaye agatabagarwa na bakure.Ngo ntiyakwishinja uburangare bw’umuriro waba waratwitse icyo kiraro kuko nta muririo bajyaga begereza icyo kiraro.

Ati"Izi nka ntabwo zijya zicanirwa, ubwo nyine bimbwira ko uwazitwitse yabikoze abigambiriye".

Abaturanyi b’ikiraro cy’inka za Hategekimana bavuze ko nta muriro ucanirwa hafi y’icyo kiraro ndetse ngo n’umushumba amafunguro ye ntabwo ayatekera aho.

Hamwe zagiye zishya ubwoya ahandi havaho n’uruhu

Kigalitoday yageze ahabereye ibi byose yavuze ko icyo kiraro cyari gikikijwe n’urugo rw’ibikenyeri n’imiyenzi cyarahiye kirakongoka, inka ngo zatabawe n’uwitwa Masengesho w’umuturanyi we wa kure, nyamara hari abandi baturanyi ba hafi biyemerera ko cyatangiye gushya bakibona.

Ati"Mbabajwe n’uko ubuyobozi bw’umurenge ntuyemo ntacyo bwakoze ngo bukorane n’abashinzwe iperereza, kugira ngo uwabikoze abihanirwe".

Inka zatwikiye mu kiraro.

Inka imwe irahaka ikaba igejeje ku mezi arindwi, yahiye inda y’amaganga (ibyara) irasohoka hanze, ndetse n’ikimasa cya firizoni cyari kumwe nayo cyahiye uruhu ku buryo bukabije.

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


  • chat_bubble kami@gmail.com

    Barebe neza niba atajyaga acanira inka ze mu rwego rwo kuzikoma isazi bikaba byahuriranye n’umuriro ko mbona ibishingwe byari birunze hafi. Hatagira ubirenganiramo! BAKORANE UBUSHISHOZI

    5 months ago
  • chat_bubble amariza

    Ashobora no kubantawazitwitse gusa nuko abantu mugihugu cyacu banga abandi bashobora kubabwshera babigirizaho nkana umuyaga ushobora kuzana umuriro cyaneko harabagiteka hanze cg abanywi bitabi bagata igishirira hanze umuyaga ukakijyana mbere yo kwishiramo abantu mujye mureba impamvu.

    August 2017
  • chat_bubble amariza

    Ashobora no kubantawazitwitse gusa nuko abantu mugihugu cyacu banga abandi bashobora kubabwshera babigirizaho nkana umuyaga ushobora kuzana umuriro cyaneko harabagiteka hanze cg abanywi bitabi bagata igishirira hanze umuyaga ukakijyana mbere yo kwishiramo abantu mujye mureba impamvu.

    August 2017
  • chat_bubble ANNA

    Ihangane wa mfura we buriya niwowe bashakaga ariko humura agati kateretswe n’Imana ntawugatema.

    August 2017

Inzindi nkuru

Impunzi z’ Abanye- Congo zasohotse inkambi zirigaragambya

Mu gitondo cyo kuri uyu wa Kabiri tariki 20 Gashyantare 2018 impunzi...
21 February 2018 Yasuwe: 1807 0

EAC: Abasirikare b’inzobere mu buvuzi biyemeje kunoza ireme ry’ubuvuzi

Abasirikare b’inzobere mu buvuzi bo mu bihugu bigize umuryango wa Afurika...
20 February 2018 Yasuwe: 428 0

Amajyepfo:Babiri bafatanwe ibikoresho byo mu nzu bibye

Polisi y’u Rwanda ikorera mu turere twa Nyamagabe na Huye yataye muri yombi...
17 February 2018 Yasuwe: 702 0

Kirehe: Gitifu afunzwe acyekwaho gutera inda umwana w’ imfubyi wamukoreraga...

Umugabo w’ imyaka 35 uyobora kamwe mu tugari two mu karere ka Kirehe yatawe...
16 February 2018 Yasuwe: 1559 0

Ngoma: Hari amafarumasi yafatiwemo imiti yarengeje igihe

Ubuyobozi bw’ akarere ka Ngoma bwakoze igenzura busanga amwe mu mafarumasi...
14 February 2018 Yasuwe: 330 0

Gakenke: Igisasu cyakomerekeje batanu aho bivugwa ko hahoze ibirindiro bya...

Abaturage batanu muri 150 barimo bahanga umuhanda mu Murenge wa Kivuruga mu...
13 February 2018 Yasuwe: 1269 0