skol
startimes

Kayonza: Umusaza yishwe n’umuti yahawe n’umupfumu wamubeshye ko uzamwereka uwishe umwana we

Amakuru   Yanditswe na: Dusingizimana Remy 3 August 2020 Yasuwe: 2173

Umugabo witwa Nzabanita Joseph wo mu Mudugudu wa Karamabara, Akagari ka Bwiza Umurenge wa Mukarange yapfuye nyuma yo kunywa umuti yahawe n’uwaje yiyise umupfumu amwizeza ko amuha umuti uzatuma amenya abamwiciye umukobwa we waherukaga kwitaba Imana.


Ibi byabaye kuri uyu wa Gatandatu tariki 1 Kanama 2020 mu masaha ya nimugoroba aho umugabo utazwi yaje mu rugo rwa Nzabanita Joseph amubaza niba hari umuntu waba waramugiriye nabi akabasha kumumwereka ndetse niba hari n’ibyo baba baribwe yabafasha bakabona ababibye.

Amakuru avuga ko Nzabanita yahise abwira uwo mugabo ko aheruka gupfusha umukobwa we kandi ko yaba yarishwe bityo amuhaye uwo muti wamufasha kumenya abamwiciye umukobwa .

Ngo uwo mugabo yashyize umuti mu gakombe asaba Nzabamwita gusomaho ndetse n’umugore we maze Nzabamwita asomaho umugore aranga nyuma biza kumera nabi ari naho yakurijemo gushiramo umwuka mu rukerera rwo kuri iki cyumweru tariki 2 Kanama 2020.

Umuyobozi w’umudugudu wa Karambarara , Ntagungira Paul yabwiye ikinyamakuru Rwandamagazine.com dukesha iyi nkuru ko uwo mugabo yaje akabwira Nzabamwita n’umugore we ko yabafasha kubereka abishe umwana wabo ari nabwo yahise abaha umuti.

Ati " Nyine uwo muntu yaje ababeshya ko afite umuti yabaha ukazabazanira umuntu wamwishe cyera.Ubwo rero uwo umuti yabahaye niwo bicyekwa ko ari wo waba wamwishe ".

Umunyamabanga nshingwabikorwa w’umurenge wa Mukarange, Murekezi Jean Claude yemereye Rwandamagazine ko ayo makuru ariyo ariko ko hataramenyekana niba uwo musaza yaba yishwe n’uwo muti.

Ati " Nibyo rwose nibyo…uko bivugwa ngo ni umuntu waje abwira uwo musaza ko afite ububasha bwo kumwereka uwamwiciye umwana ati ndaguha umuti uwunywe numara kuwunwa uwo muntu wakwiciye umwana araboneka."

" Amuca ibihumbi 30 ariko umusaza amuhaho ibihumbi 12 ati ibindi uzabimpa bukeye bwaho. Amaze kumuha umuti wa wundi nyiri ukuwumuha agiye,nyuma y’amasaha nk’abiri umusaza atangira kugira ikibazo cyo kuruka kugeza ubwo yaje gushiramo umwuka arapfa”.

Murekezi yakomeje avuga ko nyuma, abo mu muryango wa nyakwigendera wa Nzabanita bahise bahamagara wa mugabo wamuhaye umuti yanga kwitaba n’aho abitabiye, agakomeza ababwira ko hari andi mafaranga bagomba kumuha akabakangurira umuntu wabo kuko yasinziriye.Ubwo nibwo yatangiye kubaca ibihumbi 200 nyuma akomeza no kubatera ubwoba ngo nibakomeza kumuhamagara bose arabasinziriza.

Umurambo wa nyakwigendera wahise ujyanwa mu buruhukiro bw’ibitaro bya Gahini gukorerwa isuzuma ngo barebe niba koko yaba yazize uwo muti yahawe n’uwiyise umupfumu.

Ni mu gihe kandi urwego rw’ubugenzacyaha RIB rukomeje gushakisha uwo mugabo kugira ngo atabwe muri yombi anasobanure ibyo yakoreye Nzabanita.

Source: Rwanda Magazine

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Nyagatare: Polisi yafashe abantu 27 bari kunywa inzoga y’inkorano yitwa...

Polisi ikorera mu Karere ka Nyagatare, Umurenge wa Katabagemo mu Kagari ka...
17 September 2020 Yasuwe: 705 0

Rulindo: Polisi yarashe umugabo wahamwe n’icyaha cyo gutobora amazu...

Uwitwa Maniragaba François wari ufungiye kuri station ya Police ya Murambi...
13 September 2020 Yasuwe: 3101 0

Rubavu: Polisi yafashe urumogi rwari rutwawe mu byuma bizimya umuriro...

Polisi ikorera mu karere ka Rubavu yatesheje abagabo babiri barimo kwinjiza...
12 September 2020 Yasuwe: 1225 1

Huye: Urusamagwe rwarashwe n’inzego z’umutekano nyuma yo kwinjira mu rugo...

Igisamagwe cyateye mu rugo rwo mu Mudugudu w’Agakera mu Kagari ka Rango-A...
11 September 2020 Yasuwe: 6173 1

Karongi: DASSO yafashwe asambanya umugore w’abandi atabwa muri...

Umugabo w’imyaka 36 ukora mu rwego rwunganira Akarere mu gucunga umutekano,...
11 September 2020 Yasuwe: 3271 0

Rwamagana: Umugore yangije igitsina cy’umugabo we bapfa ko atamuhaza mu...

Umugore wo mu Murenge wa Kigabiro mu Karere ka Rwamagana yakomerekeje...
9 September 2020 Yasuwe: 5368 3