skol
startimes

Kigali: Abagabo 3 bafatanwe ibyapa byo ku muhanda bagiye kubigurisha

Amakuru   Yanditswe na: Dusingizimana Remy 23 November 2020 Yasuwe: 5793

Ubuyobozi bw’Umujyi wa Kigali bwatangaje ko abagabo 3 bafashwe na Polisi y’u Rwanda nyuma y’amakuru yatanzwe n’umuturage bagiye kumugurishaho ibyapa bari bibye ku mihanda, bahita batabwa muri yombi.


Umujyi wa Kigali urakangurira buri wese gutanga amakuru igihe babonye abangiza ibikorwaremezo n’ibindi byose bidakwiriye.

Mu kwezi gushize,abagabo batatu bafashwe bacyekwaho kugura no kugurisha insinga z’amashanyarazi ndetse n’izifashishwa mu itumanaho rya interineti(fibre optique),yaguzwe mu buryo bw’ubujura batawe muri yombi ya Polisi.

Icyo gihe,Umuvugizi wa Polisi y’u Rwanda, CP John Bosco Kabera, yavuze ko abafashwe bakekwaho ubufatanyacyaha mu kwangiza ibikorwa remezo, anaburira abakeka ko Polisi ihugiye mu ngamba zo kurwanya Coronavirus bakijandika mu byaha birimo n’iby’ubujura.

Yagize ati “Aba bagabo bakekwaho ubufatanyacyaha mu kwangiza ibikorwa remezo bakaba baraguze insiga z’umuriro n’iza internet zibwe. Mu rwego rwo kutarigisa imisoro mu gihe bagura bagomba gusaba inyemezabuguzi kuko abenshi muri bo usanga batazi n’abo babiguriye. Gusa ababyiba nabo bazafatwa kandi bidatinze.”

Umwe mu bakekwagaho iki cyaha, yavuze ko yagiye agura izo nsinga ku batekinisiye n’abakomisiyoneri atazi ko ari inyibano.

Yagize ati “Njyewe nagiye ngura izi nsinga mubona n’abantu bazaga bakambwira ngo bafite imari nkabishyura gusa sinarinzi ko ari inyibano, ndishinja ikosa ry’uko ntigeze mbasaba inyemezabuguzi, mu gihe babinzaniraga.”

Abihuriyeho na mugenzi we nawe wabiguze muri ubu buryowemera ko baguze ibyibano bakanabisabira imbabazi.

Ati “Ndasaba imbabazi z’uko naguze ibijurano kandi ndagira inama umuntu waba afite igitekerezo cyo kubigura ngo arambike agapira hasi kuko atari ibintu byiza kandi nanjye ndi kubyicuza.”

Ingingo ya 300 yo mu gitabo cy’amategeko ahana ibyaha mu Rwanda ivuga ko umuntu wese ukora ubujura budakoreshejwe kiboko cyangwa ibikangisho ahanishwa igifungo kuva ku mezi atandatu (6) kugeza ku myaka ibiri (2) n’ihazabu y’amafaranga y’u Rwanda yikubye inshuro kuva kuri ebyiri (2) kugeza kuri eshanu (5) z’agaciro k’icyibwe cyangwa kimwe gusa muri ibyo bihano.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Seninga Innocent n’abandi bantu 9 bafashwe barenze ku mabwiriza yo kwirinda...

Umutoza w’Ikipe ya Musanze FC, Seninga Innocent yafatanywe n’itsinda...
24 January 2021 Yasuwe: 5805 0

Rutsiro: Umuyobozi w’Ibitaro akurikiranyweho kugerageza gusambanya umukozi...

RIB yatangaje koyataye muri yombi umuyobozi w’Ibitaro bya Murunda mu karere...
22 January 2021 Yasuwe: 5673 0

Rubavu: Inyubako yararagamo abakobwa ku kigo cya G.S Mutura I yafashwe...

Mu rukerera rwo kuri uyu wa Gatanu, inkongi y’umuriro yatwitse icumbi...
22 January 2021 Yasuwe: 3692 0

Kigali: Abantu 13 bifungiranye mu gipangu bakora ibirori polisi ije banga...

Mu ijoro ryo kuri uyu wa Gatandatu tariki ya 16 Mutarama 2021 Polisi y’u...
18 January 2021 Yasuwe: 4332 0

Ngororero: Polisi yagaruje ibikoresho by’umuturage byari byibwe...

Kuri uyu wa Gatanu tariki ya 15 Mutarama Polisi y’u Rwanda ikorera Karere ka...
17 January 2021 Yasuwe: 3308 0

RIB yafunze abantu 8 barimo nyir’ivuriro “Sante pour Tous”

Urwego rw’Igihugu rushinzwe ubugenzacyaha RIB rwatangaje ko rwafunze...
16 January 2021 Yasuwe: 6266 0