MINIBUS yari itwaye abavuye I Kibeho yakoreye impanuka Sopetrade mu Mujyi wa Kigali

Amakuru   Yanditswe na: Nsanzimana Ernest 29 November 2018 Yasuwe: 2643

Umuntu umwe yapfuye 11 bajyanwa mu bitaro bakomeretse nyuma y’ impanuka y’ imodoka yo mu bwoko bwa MINIBUS yakoze impanuka ivuye I Kibeho ahizihizwaga isabukuru y’imyaka 37 y’amabonekerwa kuva mu 1981 kugera mu 1989.

Iyi mpanuka yabaye mu ijoro ryo kuri uyu wa 28 Ugushyingo 2018. Abayikomerekeyemo bahise bajyanwa mu Bitaro Bikuru bya Kaminuza bya Kigali, CHUK. Iyi minibus yahagurutse i Rukira muri Kibungo (Ngoma) saa kumi n’imwe z’igitondo yerekeza Kibeho.

Umuvugizi w’Ishami rya Polisi rishinzwe umutekano wo mu muhanda, SSP Jean Marie Vianney Ndushabandi yabwiye Igihe ko iyi minibus yagonze moto n’ umunyamaguru mbere y’ uko igwa.

Yagize ati “Amakuru y’ibanze dufite ni uko imodoka yagonze moto, irakomeza igeze muri feu rouge za Sopetrade igonga umunyamaguru wahise yitaba Imana. Iyi modoka yageze mu Kanogo iragwa, biravugwa ko hakomeretse abantu 11, bahise bajyanwa CHUK.”

Yakomeje avuga ko “Icyateye impanuka ntikiramenyakana. Si raporo y’ukuri ariko hashobora kuba habayeho umunaniro wa shoferi, umubare w’abo yari itwaye (nturamenyekana), imihanda yanyuzemo n’ibindi.”

SSP Ndushabandi yatanze ubutumwa ko imodoka zitwaye abagenzi bakora ingendo ndende zikwiye gufata umwanya wo kuruhuka, abazirimo bakirinda kugenda amasaha menshi mu gihe badafite abashoferi basimburana.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Kimironko: N’ubwo Uwimbabazi yari yarishinganishije byarangiye...

Ku mugoroba wo kuwa wa gatandatu taliki 27/4/2019 nibwo abagenderaniraga...
11 May 2019 Yasuwe: 10566 3

Iperereza ku bwicanyi bwakorewe CSP Hubert Gashagaza (Rtd) na Alexia...

Mu ijoro ryo ku italiki 17 rishyira 18/9/2018 nibwo umurambo wa CSP Hubert...
29 April 2019 Yasuwe: 8568 4

Ko abaturage b’Amerika n’Uburayi basabwe kwitondera gusura u Rwanda bivuze...

Leta Zunze Ubumwe z’Amerika, Ubudage, Ubufaransa, Ubwongereza, Australia,...
26 April 2019 Yasuwe: 5780 2

HUYE:Kubwimana yitabye Imana hashize isaha imwe avuye guhabwa...

Nyakwigendera yitabye Imana kuri iki Cyumweru cya Pasika tariki 21 Mata...
22 April 2019 Yasuwe: 5692 0

Ko bwari bwije uwarashe indege ya Habyalimana yabwiwe n’iki ko ariwe koko...

Mu ijoro ryo kuwa 6/4/1994 indege yari itwaye Perezida Habyalimana ndetse...
20 April 2019 Yasuwe: 13783 6

Ignace Murwanashyaka wayoboraga FDLR yaguye mu Budage

Inkuru dukesha ikinyamakuru Umuseke yasohotse ku mugoroba wo kuri uyu wa...
17 April 2019 Yasuwe: 7695 2