Musanze: Umuyobozi w’ ikigo yakubise umugore we wari umushinje ubusambanyi aramukomeretsa

Amakuru   Yanditswe na: Nsanzimana Ernest 2 February 2018 Yasuwe: 1842

Polisi y’ u Rwanda ikorera mu karere ka Musanze ifunze umuyobozi w’ ikigo cy’ ishuri ribanza wakubise umugore we akamukomeretsa. Amakuru mashya agera ku UMURYANGO aravuga ko uyu mugabo arimo gukorerwa dosiye naho umugore we ibitaro byamusezereye ngo atahe.

Ku wa Gatanu tariki 30 Mutarama 2018 nibwo uyu muyobozi w’ ikigo cy’ amashuri abanza giherereye mu murenge wa Gatagara yatashye avuye ku kazi agera mu rugo bwije umugore we amubwira ko yatindiye mu bandi bagore undi ahita azabiranwa n’ uburakari aramukubita aramukomeretsa.

Umuvugizi wa Polisi y’ u Rwanda mu ntara CIP Innocent Gasasira yatangarije UMURYANGO ko uyu mugore yorohewe ndetse yasezerewe mu bitaro.

Yagize ati “Amakuru atangwa ariko agikurikiranwa, umugabo yatashye bwije, umugore arafuha ngo yari ari mu bandi bagore, bahera aho batongana bararwana.”

CIP Gasasira akomeza avuga ko muri iyi mirwano umugore yakomeretse cyane ku mutwe akajyanwa ku kigo nderabuzima yagerayo bagahita bamwohereza ku bitaro.

Ati “Yari yamubabaje bikabije kuko yageze kuri centre de santé bahita bamwohereza ku bitaro ariko ubu yatashye”

Uyu mugore n’ uyu mugabo bamaze igihe kirekire babana gusa ngo ni ubwa mbere ikirego cyo kurwana kwabo kigeze kuri polisi. Uyu mugabo afungiye kuri sitasiyo ya polisi ya Busogo.

Uyu mugabo icyaha nikimuhama azahanwa n’ ingingo ya 148 ivuga ko ‘umuntu wese ubishaka, ukomeretsa undi cyangwa umukubita cyangwa umusagarira ku buryo bwa kiboko bubabaje, ahanishwa igifungo kuva ku mezi atandatu (6) kugeza ku myaka ibiri (2) n‟ihazabu y‟amafaranga y‟u Rwanda kuva ku bihumbi ijana (100.000) kugeza ku bihumbi magana atanu (500.000) cyangwa kimwe gusa muri ibyo bihano. Mu gihe umugambi cyangwa igico byateguriye icyaha, uwakoze icyaha ahanishwa igifungo kuva ku myaka ibiri (2) kugeza ku myaka itatu (3) n‟ihazabu y‟amafaranga y‟u Rwanda kuva ku bihumbi ijana (100.000) kugeza ku bihumbi magana atanu (500.000).’

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Nyamagabe:Abantu bataramenyekana bagabye igitero ku modoka zitwara abagenzi...

Mu karere ka Nyamagabe umurenge wa Cyiitabi,abantu bataramenyekana...
16 December 2018 Yasuwe: 5277 1

Perezida Kagame yavuze ko cya gitero FDLR I Rubavu cyaguyemo abasirikare 3...

Perezida w’ u Rwanda Paul Kagame yatangaje ko abasirikare b’u Rwanda bagera...
14 December 2018 Yasuwe: 7668 0

Kigali: Umugore yafatanywe abamugaye n’abana bikekwa ko akoresha mu...

Mu murenge wa Kigali Akarere ka Nyarugenge mu rugo rw’umugore witwa Lidivine...
12 December 2018 Yasuwe: 2362 0

Perezida Kagame yeretse ingabo z’ u Rwanda ibanga ryo gutsinda umwanzi...

Perezida w’ u Rwanda akaba n’ umugaba w’ ikirenga w’ Ingabo z’ u Rwanda Paul...
12 December 2018 Yasuwe: 2254 0

Umugore n’ umusore bafatanywe udupfunyika ibihumbi 47 tw’ urumogi

Kuri uyu wa Kabiri tariki ya 11 Ukuboza 2018, Polisi y’u Rwanda yeretse...
11 December 2018 Yasuwe: 1925 0

‘Abashaka u Rwanda barwifuriza ibibi barukurahe se?’ Perezida...

Perezida w’ u Rwanda akaba n’ Umugaba w’ Ikirenga nyuma yo kureba ingabo z’ u...
11 December 2018 Yasuwe: 4114 0