addresiya
startimes

Nsengiyumva warasiwe hanze ya gereya ya Mpanga bamusanganye icyuma

Amakuru   Yanditswe na: Nsanzimana Ernest 29 January 2018 Yasuwe: 24635


Amaze kuraswa akagwa hasi umugororwa Nsengiyumva Jotham wari ufungiye muri gereza ya Mpanga yo mu karere ka Nyanza bamusanganye icyuma.

Ibi ni ibitangazwa n’ urwego rw’ igihugu rushinzwe imfungwa n’ abagororwa RCS. Uyu mugororwa yari yarakatiwe igifungo cya burundu nyuma yo guhamwa n’ ibyaha byo kurema umutwe w’ abagizi ba nabi, kugambanira igihugu, no gutunga intwaro mu buryo bunyuranyije n’ amategeko.

Nk’ uko Umuvugizi w’ urwego rw’ amagereza mu Rwanda CIP Sengabo yabitangarije UMURYANGO Nsengiyumva yarasiwe hanze ya gereza mu masaha y’ ijoro yiruka.

Yagize ati “Byabaye saa 7: 30 z’ ijoro ryo ku wa 28 Mutarama 2018. Yari akurikiranyweho kurema umutwe w’ abagizi ba nabi, kugambanira igihugu, no gutunga intwaro mu buryo bunyuranyije n’ amategeko…yafunzwe kuva 2014 yari yarakatiwe igifungo cya burundu”

CIP Sengabo avuga ko icyagaragaje ko Nsengiyumva ashaka gutoroka ari uko yagaragaye inyuma ya gereza mu masaha y’ ijoro, yirukanka.

Ati “Icyagaragaje ko ashaka gutoroka ni uko yagaragaye inyuma ya gereza mu masaha y’ ijoro kandi yirukanka.

Akomeza avuga ko atarashwe nkana kuko yabanje guhabwa gasopo n’ abagororwa barasa mu kirere ngo ahagarare agakomeza kwirukanka.

Ati “Ntabwo yarashwe nkana kubera y’ uko umuntu warasiwe hanze ya gereza nijoro kandi yirukanka! Kereka yarasiwe imbere muri gereza. Ndetse n’ ikimenyimenyi nyuma yo kugwa basanze afite icyuma, bigaragara ko umuntu wari kumwegera yari kumutera nawe icyuma, kandi urumva n’ ubundi n’ ibyaha azira harimo ubwicanyi”

Yakomeje avuga ko kuraswa ahantu hari mu kico nabyo bishoboka gusa ngo iyo bidashobotse umuntu aranapfa.

Ibi bibaye mu gihe hari hashize amezi atatu gusa abagororwa batatu barimo na Cassien Ntamuhanga batorotse iyi gereza ya Mpanga.

Aba uko ari batatu bakoresheje umugozi, RCS ivuga ko itaramenya uko Nsengiyumva yageze hanze yagereza, gusa ngo polisi yatangiye iperereza nk’ uko bitangazwa na CIP Sengabo.

Nsengiyumva Jotham yari umwe mu itsinda ry’abantu 14 bashinjwaga gukorana n’umutwe wa FDLR, kwinjiza intwaro mu gihugu mu buryo butemewe ndetse n’ubwicanyi.

Tariki ya 14 Ukuboza 2014, yemereye imbere y’urukiko ibyaha yashinjwaga byose anagaragaza ko uyu mugambi wamenyekanye waterwaga inkunga n’uwari Guverineri w’Intara y’Amajyaruguru, Bosenibamwe Aimé.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble iseta

    Ibi nukugira ngo bikure mu isoni baterwa n’amafuti bakoreshwa n’ubugome bwabo.

    May 2019
  • chat_bubble

    Ariko Nsengiyumva yariyiteguye gupfa kuko ntiwahambanira igihugu ngo ubemuzima!

    Awa uwiyishe ntaririrwa yibagiwe ko RCS ifitembundazirimo amasasu,nabandi batinye

    January 2018

Inzindi nkuru

Hakajijwe ingamba zo kurinda COVID-19 abari mu butumwa bwo kubungabunga...

Abapolisi b’u Rwanda bari mu butumwa bwo kubungabunga amahoro mu gihugu cya...
4 June 2020 Yasuwe: 1067 0

Kirehe: Umugabo yakubise ikibando mugenzi we bimuviramo urupfu

Ahagana saa mbili z’ijoro ryo kuri uyu wa Gatandatu tariki ya 30 Gicurasi...
31 May 2020 Yasuwe: 1074 0

Nyanza: Umusore yishe nyina umubyara amukubise isuka mu mutwe

Umusore witwa Maniriyo Eugene w’imyaka 19 wo mu Mudugudu wa Karambi, mu...
29 May 2020 Yasuwe: 2585 0

Rubavu: Umugabo yishwe n’inkoni nyuma yo gufatwa ari kwiba ibirayi

Mu ijoro ryo kuri uyu wa Gatandatu tariki ya 16 Gicurasi 2020,Umuturage...
17 May 2020 Yasuwe: 3144 1

Nyanza: Umuhungu w’imyaka 17 arakekwaho guta mu kidendezi cy’amazi umwana...

Urwego rw’igihugu rw’Ubugenzacyaha(RIB) rwataye muri yombi umwana w’umuhungu...
17 May 2020 Yasuwe: 2654 0

Gisagara: Umusore yishe umugabo wa nyina amuhoye gushaka kumwambura...

Umusore w’imyaka 20 witwa wo mu murenge wa Gikonko mu karere ka Gisagara...
16 May 2020 Yasuwe: 1955 2