skol
startimes

Nyagatare: Ingona yagaragaye ku nkombe y’umugezi ica igikuba mu baturage

Amakuru   Yanditswe na: Dusingizimana Remy 21 October 2020 Yasuwe: 4047

Abaturage bo mu Mudugudu wa Nyagatare ya kabiri, Akagari ka Nyagatare, Umurenge wa Nyagatare, batewe ubwoba n’ingona babonye ku nkengero z’umugezi w’Umuvumba.


Mu gitondo cyo kuri uyu wa gatatu tariki 21 Ukwakira 2020,nibwo iyi ngona yagaragaye kuri uyu mugezi ndetse ihamara igihe kinini itaragenda.

Muhire Filippe yabwiye Kigali Today dukesha iyi nkuru ko afitiye impungenge abana kuko kenshi bakoresha uyu mugezi bashaka amazi yo gukoresha mu ngo ndetse n’amatungo.

Ati “Urabona uyu mugezi kenshi abana baza kuhavoma amazi akoreshwa mu ngo, bahuhira inka ndetse banajyamo bakoga. Urumva ni ikibazo gikomeye”.

Umukozi w’Urwego rw’Igihugu rw’Iterambere (RDB), ushinzwe kubungabunga urusobe rw’ibinyabuzima Ngoga Telesphore, yabwiye iki kinyamakuru ko ingona ari inyamanswa y’amahoro abaturage batayisagariye ntacyo yabatwara.

Avuga ko atari ubwa mbere igeze muri uwo mugezi ahubwo igishya ari uko igaragaye ku nkengero zawo.

Asaba abaturage bakoresha amazi y’umugezi w’Umuvumba n’abahuhira amatungo kujya bakoresha ahantu bareba inkombe zose.

Agira ati “Nibayiha amahoro irahava, ntivutse uyu munsi ahubwo igishya ni uko ari bwo igaragaye. Abavoma n’abahuhira amatungo bajye babanza kureba ko impande zose z’umugezi bazireba neza”.

Iyi ngona yaje gusubira mu mazi mu gihe inzego z’umutekano zari zihanganye n’abaturage baje gushungera.

Inkuru ya Kigali Today

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Kicukiro: Inzu y’umuyobozi w’Umudugudu yahiye ku manywa y’ihangu...

Ku gicamunsi cyo kuri uyu wa Gatanu tariki ya 27 Ugushyingo 2020,inzu...
27 November 2020 Yasuwe: 5102 0

Sergeant Robert ushinjwa gusambanya umwana we ari gushaka ubuhungiro muri...

Umusirikare akaba n’umuririmbyi wamenyekanye mu itsinda ry’umuziki ry’ingabo...
26 November 2020 Yasuwe: 3731 0

NYABIHU: Umumotari yafatanwe urumogi yari yavanze n’amakara

Mu gitondo cyo kuri uyu wa Mbere tariki ya 23 Ugushyingo Polisi y’u Rwanda...
25 November 2020 Yasuwe: 655 0

Gasabo: Umugabo yatawe muri yombi akekwaho gusambanya nyina ku...

Umugabo witwa Bakundukize w’imyaka 41 y’amavuko, ari mu maboko ya RIB Post ya...
24 November 2020 Yasuwe: 2078 0

Biravugwa ko Sergeant Robert ukekwaho gusambanya umwana we yatorokeye muri...

Sergeant Major Kabera Robert uzwi mu muziki nka “Sergeant Robert” uri...
24 November 2020 Yasuwe: 7167 0

Kigali: Abagabo 3 bafatanwe ibyapa byo ku muhanda bagiye kubigurisha

Ubuyobozi bw’Umujyi wa Kigali bwatangaje ko abagabo 3 bafashwe na Polisi y’u...
23 November 2020 Yasuwe: 3267 0