Rubavu: 7 bikekwa ko ari FDLR baguye mu gitero bagabye ku ngabo z’ u Rwanda

Amakuru   Yanditswe na: Nsanzimana Ernest 10 December 2018 Yasuwe: 5613

Abarwanyi, Ubuyobozi bw’ Akarere ka Rubavu bukeka ko ari abo mu mutwe wa FDLR bagabye igitero mu murenge wa Busasamana bakomeretsa Umunyarwanda umwe, abarwanyi babo 7 bahasiga ubuzima.

Byabaye ahagana saa sita z’ ijoro kuri uyu wa Mbere tariki 10 Ukuboza 2018, hafi y’ umupaka w’ u Rwanda na Repubulika ya Demukarasi ya Kongo.

Umuyobozi w’ Akarere ka Rubavu HABYARIMANA Gilbert yatangarije UMURYANGO ko izo nyeshyamba zashakaga kwinjira mu Rwanda zirwana.

Yagize ati “Ni FDLR niko dutekereza kuko niyo isanzwe irwanira hariya. Bateye rero byabindi byabo bashaka kwinjira, bahita bahura n’ ingabo z’ u Rwanda kuko ziba ziri ku mupaka niho barasaniye”

Meya Habyarimana yavuze ko ku ruhande rw’ izi nyeshyamba 7 bahasize ubuzima, yongeraho ko ku ruhande rw’ ingabo z’ u Rwanda nta musirikare warashwe. Gusa ngo hari umugabo w’ umunyarwanda isasu ryasanze mu rimufata mu rutugu ahita ajyanwa ku Kigo Nderabuzima cya Busasamana.

Abaturage bo mudugudu wa Cyamabuye mu kagari ka Rusura mu murenge wa Busasamana, bavuze ko imirwano bamaze isaha bumva amasasu.

Meya yahumurije abaturage ababwira ko nta kidasanzwe cyabaye, abashishikariza kurara amarondo neza, gutanga amakuru ku gihe no gushishikariza benewabo bari muri FDRL gutaha binyuze mu nzira zemewe.

Yagize ati “Nta kidasanzwe cyabaye ni ibyo dusanzwe tubona bariya bacengera bakaza kugira ngo batubuze amahoro. Abaturage mbere na mbere turabahumuriza, icya 2 ni ukubashishikariza kwicungira umutekano batanga amakuru ku gihe , bakanarushaho kurara amarondo neza”

Yakomeje agira ati “Ikindi ni ugusaba abaturage bacu kuko baba bafite abavandimwe muri bariya, kubasaba gutaha mu nzira zemewe”

Nta mezi abiri arashira u Rwanda rwakiriye abahoze muri FDLR bagera ku 1500 batashe bavuye muri Repubulika ya Demukarasi ya Kongo.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Bamwe mu bateye Kitabi bishwe, abashimuswe baratabarwa. Bimwe mu bindi...

Lt Col Innocent Munyengango yatangaje ko Ingabo z’u Rwanda zakurikiye...
18 December 2018 Yasuwe: 15149 2

Nyamagabe:Abantu bataramenyekana bagabye igitero ku modoka zitwara abagenzi...

Mu karere ka Nyamagabe umurenge wa Cyiitabi,abantu bataramenyekana...
16 December 2018 Yasuwe: 6500 1

Perezida Kagame yavuze ko cya gitero FDLR I Rubavu cyaguyemo abasirikare 3...

Perezida w’ u Rwanda Paul Kagame yatangaje ko abasirikare b’u Rwanda bagera...
14 December 2018 Yasuwe: 9171 0

Kigali: Umugore yafatanywe abamugaye n’abana bikekwa ko akoresha mu...

Mu murenge wa Kigali Akarere ka Nyarugenge mu rugo rw’umugore witwa Lidivine...
12 December 2018 Yasuwe: 3753 0

Perezida Kagame yeretse ingabo z’ u Rwanda ibanga ryo gutsinda umwanzi...

Perezida w’ u Rwanda akaba n’ umugaba w’ ikirenga w’ Ingabo z’ u Rwanda Paul...
12 December 2018 Yasuwe: 4913 0

Umugore n’ umusore bafatanywe udupfunyika ibihumbi 47 tw’ urumogi

Kuri uyu wa Kabiri tariki ya 11 Ukuboza 2018, Polisi y’u Rwanda yeretse...
11 December 2018 Yasuwe: 1987 0