Rubavu: Umusirikare warashe abaturage 3, umwe agapfa yafashwe

Amakuru   Yanditswe na: Nsanzimana Ernest 11 August 2018 Yasuwe: 4713

Amakuru agera ku UMURYANGO aremeza ko Umusirikare witwa Ngendahimana Jean Damascene wakoreraga muri batayo ya 11 ubu yatawe muri yombi akaba afunzwe n’ igisirikare nyuma yo kurasira abaturage mu kabari k’uwitwa Mugwaneza Christine.

Abarashwe ni Hakizimana Vincent, Benimana Jean Marie Vianney na Nzabahimana Theoneste. Benimana yapfuye ageze ku bitaro bya Ruhengeli abandi barimo kwitabwaho n’ abaganga.

Byabaye ahagana saa tatu z’ijoro ryo kuri uyu wa Gatanu, mu kabari gaherereye mu mudugudu wa Rurembo, Akagari ka Byahi, Umurenge wa Rubavu ho mu Karere ka Rubavu.

Nubwo amakuru twamenye avuga ko uwarashe abo baturage ari Private Ngendahimana hari andi makuru atangwa n’ abaturage bavuga ko babyiboneye n’ amaso yabo ko uwarashe ari umusirikare ufite ipeti rya Caporal mu ngabo z’u Rwanda witwa Karamba Jean Bosco yari yambaye n’impuzankano ya gisirikare.

Umuvugizi w’ ingabo z’ u Rwanda ubwo twatuganyaga iyi nkuru saa cyenda z’ amanywa kuri uyu wa Gatandatu yadutangarije ko aya makuru ntayo aramenya.

Aba baturage bavuga ko uyu musirikare yashyamiranye n’uwitwa Benimana ari na we witabye Imana agahita ajya kuzana imbunda akabarasa nk’ uko Umuseke wabitangaje.

Ngo uwo yarashe yahaye umukozi we amajerekani batwaramo urwagwa ngo ayajyane, umusirikare aramubuza bakomeza guterana amagambo kugeza ubwo umusirikare yamubwiye ko amwereka uwo ari we ajya kuzana imbunda arabarasa.

Umuyobozi w’Akarere ka Rubavu muri iki gitondo yakoresheje inama ahumuriza abaturage anabasaba kwirinda amakimbirane kuko ari yo ntandaro y’ibyabaye byose. Yabijeje ko uwo musirikare azashyikirizwa ubutabera.

Col Muhizi Pascal uyobora Ingabo zikorera Rubavu, Nyabihu na Ngororero yabwiye abaturage ko bakwiye gukomeza imirimo yabo uko bisanzwe kuko ngo uriya musirikare azashyikirizwa ubutabera kugira ngo aryozwe ibyo yakoze.


Uyu muryango wo hagati niwo uru rugomo rwabereyemo

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble Kayiro

    Aba bantu baratumaze, abaturage bagombye gutangira gufata ingamba zo kwirindira umutekano.

    1 month ago

Inzindi nkuru

Amwe mu mateka ya Rtd Hubert Gashagaza wamaze gushyingurwa [AMAFOTO]

Kuri uyu wa 20 Nzeli 2018 nibwo Rtd CSP Hubert Gashagaza yashinguwe mu...
20 September 2018 Yasuwe: 7662 1

Gicumbi: Umwarimu aravugwaho gusambanya umukobwa yigisha yitwaje kureba aho...

Mu karere ka Gicumbi kuri sitasiyo ya Polisi ya Byumba hafungiye umwarimu...
18 September 2018 Yasuwe: 7288 1

CSP Gashagaza uherutse gusezererwa muri polisi y’ u Rwanda yishwe n’ abagizi...

Urwego rw’ igihugu rw’ ubugenzacyaha RIB rwatangaje ko CSP Gashagaza Hubert...
18 September 2018 Yasuwe: 5386 2

Gasabo: Umugabo yatemaguye umugore we aramwica ngo yatinze ku...

Umugabo ukuze wo mu kagari Munini , Umudugudu Rudakabukirwa mu murenge wa...
18 September 2018 Yasuwe: 10454 2

Icyo ubuyobozi bw’ akarere ka Ruhango buvuga ku kibazo cy’ umupolisi ushinjwa...

Ubuyobozi bw’ akarere ka Ruhango ntabwo buvuga rumwe n’ abaturage ku mvano y’...
16 September 2018 Yasuwe: 6628 6

Kicukiro: Hatoraguwe umurambo w’ umugabo wishwe akurwamo amaso

Mu gitondo cyo kuri uyu wa Gatatu tariki ya 12 Nzeri 2018, mu gihuru kiri...
13 September 2018 Yasuwe: 3397 4