skol
fortebet

Seninga Innocent n’abandi bantu 9 bafashwe barenze ku mabwiriza yo kwirinda Covid-19

Yanditswe: Sunday 24, Jan 2021

Sponsored Ad

skol

Umutoza w’Ikipe ya Musanze FC, Seninga Innocent yafatanywe n’itsinda ry’abantu 12 bitabiriye ibirori binyuranyije n’amabwiriza yo kwirinda Covid-19.

Sponsored Ad

Ku mugoroba wo kuri uyu wa Gatandatu nibwo inzego z’umutekano zahawe amakuru ko hari itsinda ry’abantu biganjemo urubyiruko ruturuka ahantu batandukanye riteraniye mu rugo ry’umuturage baguze inzoga bakanywa bakanabyina .

Abatanze amakuru bavuze ko abo bantu ariko basanzwe babigenza mu mpera z’icyumweru. Inzego z’umutekano zahageze zisanga harimo n’Umutoza w’Ikipe ya Musanze FC Seninga Innocent.

Umuvugizi wa Polisi mu Ntara y’Amajyaruguru CIP Rugigana Alexis, yemeje aya makuru aburira abagikomeje gukerensa amabwiriza yo kwirinda Covid-19 ko batazihanganirwa na rimwe mu gihe iki cyorezo gikomeje kwandurwa na benshi no guhitana ubuzima bwa bamwe.

Yagize ati " Birababaje ko hakiri abantu bakomeje gukerensa amabwiriza yo kwirinda Covid-19 kandi umubare munini uri kwandura bamwe ikanabahita. Muri aba twafashe twatunguwe n’uko harimo abafite inshingano ndetse n’abiga muri kaminuza aribo bakwiye kuba intangarugero, twe nka Polisi ntituzihanganira abagifite iyi myitwarire".

Aba bose bafashwe bajyanywe muri Stade Ubworoherane ngo baganirizwe banigishwa ububi n’ingaruka za Covid-19. Nyuma yo kuganirizwa, abarenze ku mabwiriza bacibwa amande.

Mu kwezi gushize nabwo Umutoza wa Musanze FC, Seninga Innocent, yatawe muri yombi kubera kutubahiriza amabwiriza ya COVID-19, akarenza amasaha yo kugera mu rugo.Binavugwa ko yabanje no kugirana ibibazo n’inzego z’umutekano.

Ibitekerezo

  • Ariko se ubundi umuntu nka Innocent (Entraineur aggré) ntacyo Federation yo iteganya k’umuntu w’Umutoza, abikoze 2fois ?

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa