Visi Perezida w’ Ishyaka rya Victoire Ingabire yatorotse gereza

Amakuru   Yanditswe na: Nsanzimana Ernest 8 October 2018 Yasuwe: 6968

Umuyobozi wungirije w’ ishyaka FDU inkingi ritaremererwa gukorera mu Rwanda n’ undi mugororwa batorotse gereza kuri uyu wa Mbere tariki 8 Ukwakira 2018.

Abatorotse ni Visi Perezida w’ ishyaka FDU Inkingi rya Victore Ingabire, Boniface Twagirimana na Murenzi.

Umuvugizi w’ amagereza mu Rwanda SSP Sengabo Helaly yavuze ko abatorotse buriye urupangu rwa gereza ya Nyanza

Yagize ati “Mu rukerera abagororwa babiri barimo Murenzi Aimable na Boniface Twagirimana batorotse gereza ya Nyanza bakoreshe uburyo bwo kurira”

RCS ivuga ko buri gitondo mu magereza haba igikorwa cyo kubara abagororwa ngo ni muri iki gikorwa hamenyekaniye ko aba bagororwa batorotse.

SSP Sengabo yavuze ko abacungagereza bari bahari gusa ngo hari ubwo abagororwa babaca mu cyuho bagatoroka.

Murenzi Aimable yakatiwe gufungwa burundu azira icyaha cyo gukubita no gukomeretsa bigambiriye kwica, yari amaze imyaka 11 afunze naho Twagirimana Boniface akurikiranyweho icyaha cyo kurema umutwe w’ abagizi ba nabi yari amaze umwaka afunzwe ariko ntabwo arakatirwa n’ urukiko.

RCS yavuze ko yamenyesheje inzego z’ umutekano bafatanya mu kazi inasaba abaturage ko uwabona aba bagororwa yamenyesha inzego z’ umutekano.

RCS ivuga ko abagororwa benshi baba bashaka gutoroka. Abatorotse ngo bakuwe muri gereza ya Kigali hari amakuru y’ uko bahora bashaka gutoroka.

Iyi gereza ya Nyanza niyo umunyamakuru Cassien Ntamuhanga yari afungiyemo mbere y’ uko atoroka gereza mu mpera z’ umwaka ushize wa 2017.

Muri iyi gereza ngo hagiye gushyirwamo kamera zicunga umutekano mu rwego kwirinda ko abagororwa bakomeza gutora ubutabera.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble Bosco

    Ariko RCS rwose imikorere mibi yanyu burimunsi ngo abanyabyaha batorotse niba mutabishoboye mwabivuze izindi nzego zumutekano zibishoboye ko zihari mukareka ibyo murimo birababaje rwose

    October 2018
  • chat_bubble Rwihandagaza

    Nihahandi aho yajya aho arihose azafatwa .

    October 2018

Inzindi nkuru

Kimironko: N’ubwo Uwimbabazi yari yarishinganishije byarangiye...

Ku mugoroba wo kuwa wa gatandatu taliki 27/4/2019 nibwo abagenderaniraga...
11 May 2019 Yasuwe: 10516 3

Iperereza ku bwicanyi bwakorewe CSP Hubert Gashagaza (Rtd) na Alexia...

Mu ijoro ryo ku italiki 17 rishyira 18/9/2018 nibwo umurambo wa CSP Hubert...
29 April 2019 Yasuwe: 8533 4

Ko abaturage b’Amerika n’Uburayi basabwe kwitondera gusura u Rwanda bivuze...

Leta Zunze Ubumwe z’Amerika, Ubudage, Ubufaransa, Ubwongereza, Australia,...
26 April 2019 Yasuwe: 5756 2

HUYE:Kubwimana yitabye Imana hashize isaha imwe avuye guhabwa...

Nyakwigendera yitabye Imana kuri iki Cyumweru cya Pasika tariki 21 Mata...
22 April 2019 Yasuwe: 5678 0

Ko bwari bwije uwarashe indege ya Habyalimana yabwiwe n’iki ko ariwe koko...

Mu ijoro ryo kuwa 6/4/1994 indege yari itwaye Perezida Habyalimana ndetse...
20 April 2019 Yasuwe: 13668 6

Ignace Murwanashyaka wayoboraga FDLR yaguye mu Budage

Inkuru dukesha ikinyamakuru Umuseke yasohotse ku mugoroba wo kuri uyu wa...
17 April 2019 Yasuwe: 7690 2