Kigali

Arsenal na Chelsea FC zageze mu mikino ya ¼ cya UEFA Europa League zinyagiye ayo zari zihanganye

Imikino   Yanditswe na: Dusingizimana Remy 15 March 2019 Yasuwe: 1996

Amakipe 2 akomeye mu bwongereza Arsenal na Chelsea FC zamaze kugera mu mikino ya ¼ cya UEFA Europa League zinyagiye amakipe zahanganaga mu mikino ya 1/16 cy’irangiza.

Arsenal yari yateye ubwoba abafana bayo kubera ko yatsinzwe ibitego 3-1 na Rennes mu mukino ubanza,yaje gutanga isomo rya ruhago ubwo yayitsindaga ibitego 3-0 mu mukino wo kwishyura wabereye Emirates Stadium.

Arsenal yafunguye amazamu hakiri kare ku munota wa 4 w’umukino, ku gitego cyatsinzwe na Pierre Emerick Aubameyang ku mupira mwiza yahawe na Ramsey.

Arsenal yakomeje gusatira Rennes bituma ku munota wa 15 ibona igitego cya kabiri cyatsinzwe na Ainsley Maitland-Niles ku mupira mwiza yahawe na Aubameyang awutera n’umutwe.

Ibi bitego byinjiye mu izamu rya Rennes hakiri kare, byahaye icyizere cyo gukomeza ikipe ya Arsenal ndetse ikina yitonze biyifasha kurangiza igice cya mbere nta gitego yinjijwe.

Mu gice cya kabiri ikipe ya Arsenal yarokotse ikarita itukura yagombaga guhabwa umukinnyi Alexandre Lacazette kuko yakoze amakosa 2 akomeye agahabwa ikarita y’umuhondo imwe gusa.

Umutoza Unai Emery yakuye mu kibuga Mesut Ozil na Lacazette yinjiza Iwobi na Mkhitaryan byayifashije kwinjiza igitego cya 3 cyatsinzwe na Aubameyang ku munota wa 75, wahise acyishimira yambaye mask ya Black Panther.

Chelsea FC yari yatsinze Dynamo Kyiv ibitego 3-0 mu mukino ubanza,yayisanze ku kibuga cyayo iyitsinda ibitego 5-0.

Muri uyu mukino rutahizamu Olivier Giroud yigaragaje cyane kuko yatsinzemo ibitego 3 wenyine,hanyuma Marcos Alonso na Callum Hudson Odoi bashyiramo ibindi.

Amakipe yabonye itike yo kwerekeza muri ¼ araza gutomborana uyu munsi ni: Benfica,Eintracht Frankfurt,Villarreal,Slavia Praha,Chelsea,Valencia,Napoli na Arsenal.







Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Simba SC yarahiriye kugura rutahizamu Tuyisenge Jacques ngo akinane na...

Ikipe ya Simba SC yo mu gihugu cya Tanzania,iri mu nkubiri n’andi makipe...
23 March 2019 Yasuwe: 984 0

Perezida Nkurunziza yasuye abakinnyi b’Uburundi abemerera akayabo kugira ngo...

Perezida w’Uburundi Pierre Nkurunziza yasuye abakinnyi b’Uburundi, basigaje...
22 March 2019 Yasuwe: 4175 0

Abatoza babiri Chelsea FC yifuza kuzakuramo usimbura Maurizio Sarri...

Ikipe ya Chelsea yifuzaga guha akazi Zinedine Zidane kugira ngo asimbure...
22 March 2019 Yasuwe: 3477 0

Ikipe ya Vita Club yo muri RD.Congo yashinje Simba SC kuyirogera muri...

Ikipe ya AS Vita Club yo muri Repubulika iharanira Demokarasi ya Congo...
22 March 2019 Yasuwe: 2236 0

Eden Hazard yatangaje umukinnyi yemera ko amurusha impano yo gukina umupira...

Rutahizamu wa Chelsea,Eden Hazard ufatwa nk’umukinnyi wa mbere ufite...
22 March 2019 Yasuwe: 7007 1

Wayne Rooney yibasiye bikomeye ikipe ya Liverpool yitwaje ko afana...

Umukinnyi Wayne Rooney wahoze akinira ikipe ya Manchester United na Everton...
22 March 2019 Yasuwe: 1567 0