Kigali

Chelsea FC yamaze gutangaza umutoza mushya usimbura Maurizio Sarri

Imikino   Yanditswe na: Dusingizimana Remy 4 July 2019 Yasuwe: 1663

Ubuyobozi bw’ikipe ya Chelsea FC bwamaze gutangaza ko umutoza Frank Lampard ariwe ugiye gutoza iyi kipe mu gihe cy’imyaka 3 asimbuye Maurizio Sarri uherutse kwegura muri iyi kipe akerekeza muri Juventus.

Frank Lampard w’imyaka 41 wamaze imyaka 14 akinira ikipe ya Chelsea FC hagati mu kibuga agaca agahigo k’umukinnyi wayitsindiye ibitego byinshi,yasinye kuri uyu wa Kane taliki ya 04 Nyakanga 2019 nk’umutoza mushya wa Chelsea FC avuye mu ikipe ya Derby County mu cyiciro cya kabiri.

Frankie yagize ati “Ndishimye cyane kuba ngarutse mu ikipe ya Chelsea FC nk’umutoza.Buri wese azi urukundo dukunda iyi kipe n’amateka twasangiye.Intego yanjye nyamukuru ni ugukora cyane ngahesha ikipe ibikombe.Sinjye uzarota ntangiye akazi.”

Umuyobozi wa Chelsea, Marina Granovskaia we yagize ati “Frank azi byinshi kuri iyi kipe kandi umwaka ushize yerekanye ko ari umutoza ukiri muto ufite ejo heza.”

Frank Lampard wasinye amasezerano y’imyaka 3,azahembwa akayabo ka miliyoni 16,5 z’amapawundi,cyane ko buri mwaka azajya ahembwa akayabo ka miliyoni 5,5 ku mwaka.

Mu mikino 648 Frank Lampard yakiniye Chelsea FC, yayitsindiye ibitego 211,atanga imipira ivamo ibitego 150 ayifasha gutwara Premier League 3,Champions League, Europa League, FA Cup 4, League Cup 2.





Frank Lampard wahoze ari inshuti y’umuherwe wa Chelsea FC,Abramovic yagizwe umutoza wayo

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Kimenyi Yves yatunguwe n’agahimbazamusyi gahanitse Rayon Sports...

Umunyezamu wa mbere wa Rayon Sports,Kimenyi Yves yatangaje ko yatunguwe...
23 August 2019 Yasuwe: 222 0

Tchabalala wamamaye muri Rayon Sports yasinyiye ikipe ya Bugesera FC...

Rutahizamu Hussein Tchabalala wamenyekanye mu makipe abiri yo mu Rwanda...
23 August 2019 Yasuwe: 802 0

Cristiano Ronaldo yatangaje impamvu aterekeje muri Arsenal yamushatse akiri...

Rutahizamu Cristiano Ronaldo uri mu ba mbere ku isi,yavuze ko yaganiriye...
23 August 2019 Yasuwe: 1111 0

Rutanga yavuze amayeri bazakoresha kugira ngo basezerere ikipe ya Al...

Kapiteni wa Rayon Sports,Rutanga Eric yabwiye abanyamakuru mbere yo...
23 August 2019 Yasuwe: 1555 0

Rayon Sports yakubye inshuro 16 agahimbazamusyi k’abakinnyi kugira ngo...

Rayon Sports yaraye yerekeje mu gihugu cya Sudani gukina umukino wo...
23 August 2019 Yasuwe: 1660 0

APR FC yegukanye igikombe cyahuzaga ingabo muri EAC itarakina umukino wa...

Ikipe ya APR FC ihagarariye igisirikare cy’ u Rwanda,RDF,yegukanye igikombe...
22 August 2019 Yasuwe: 2516 3