Lionel Messi yavuze kuri Cristiano Ronaldo wamutaye muri La Liga akigira muri Juventus
Yanditswe: Tuesday 04, Sep 2018
Kabuhariwe Lionel Messi wa FC Barcelona yavuze ko kuri ubu ikipe ya Real Madrid yoroshye cyane kubera ko yatakaje Cristiano Ronaldo wayifashaga gutsinda ibitego birenga 30 buri mwaka ndetse yemeza ko we na bagenzi be bafitiye ubwoba Juventus yamuguze.
Messi umaze imyaka 10 ahangana na Cristiano Ronaldo ku gihembo cy’umukinnyi wa mbere ku isi,yabwiye abanyamakuru ko Real Madrid itagikomeye nka kera kubera gutakaza Cristiano Ronaldo wayitsindira ibitego byinshi.
Messi yavuze ko Real Madrid itagikanganye
Yagize ati “Real Madrid iroroshye muri uyu mwaka kubera ko itagifite Cristiano Ronaldo.Ni umwe mu bakinnyi beza cyane ku isi.Juventus iri mu makipe afite amahirwe menshi yo kwegukana UEFA Champions League kuko ifite Ronaldo.Byarantunguye kumva ngo yavuye muri Real Madrid kuko sinari niteze ko yakwerekeza muri Juventus.”
Messi yagaragaje ko yemera ubuhanga bwa Cristiano Ronaldo kuko yahise aha amahirwe menshi Juventus yo kwegukana UEFA Champions League ndetse yemeza ko we na bagenzi be izabaha akazi gakomeye nibaramuka bahuye.
Messi yagaragaje ko yemera Cristiano Ronaldo
Real Madrid ntiyigeze isimbuza Cristiano Ronaldo undi mukinnyi ukomeye ahubwo yaciye igikuba mu bafana bayo ubwo yafataga nimero 7 yambarwaga n’iki cyamamare iyiha umusimbura yaguze Mariano Diaz.
Leave a Reply
Your email address will not be published. Required fields are marked *