Abakobwa 15 b’ubwiza, ubwenge n’umuco bahatanira ikamba rya Miss Burundi 2021 batangiye umwiherero w’iminsi ine, kuva kuri uyu wa Mbere tariki 05 Mata 2021.

Sponsored Ad

Mu mwiherero bazigishwa ibintu bitandukanye birimo akarango k’umuco w’u Burundi, uburyo Nyampinga avugira mu ruhame, intambuko iranga Nyampinga n’ibindi bibategura ku munsi wa nyuma w’iri rushanwa.

Abategura Miss Burundi batangaje ko aba bakobwa bari gukorera umwiherero kuri Roca Golf Hotel aho bazamara iminsi ine.

Umwiherero uzasozwa tariki 09 Mata 2021 ari nabwo hazamenyekana umukobwa wegukanye ikamba rya Miss Burundi.

Mbere yo kujya mu mwiherero, aba bakobwa batemberejwe ahantu hatandukanye nyaburanga mu Burundi.

Ab’inkwakuzi batangiye kugura amatike ngo bazirebere imbona nkubone umuhango wo gutangaza umukobwa uzegukana ikamba.

Tariki 20 Werurwe 2021, ni bwo hatangajwe abakobwa 15 muri 29 babonye itike yo kugera mu cyiciro cya nyuma cy’iri rushanwa.

Amazina na Nimero by’abakobwa bahatanira kuvamo Miss Burundi 2021

Mutoni Liesse N°17

 Uwimana Dative N°21

 Kaze Kelly Katia N°4

 Muhoranamana Bernice N°20

 Kaneza Amandine N°24

 Iteka Lyvia Thiana N°7

 Niteka Ange Maïtée N°5

 Karikumutima Lys Esther N°10

 Habimana Clara Kany N°15

 Nshimirimana Sabra Sabrina N°12

 Irakoze Liesse Delicia N°26

 Mugisha Nella Ernica N°1

 Manamfise Simplice N°22

 Irakenuye Lyse Nancy N°6

 Muhiteka Harmonie Marie Ciella N°16