Aline Gahongaire, umugore mushya nyuma y’ibizazane by’urudaca yanyuzemo, ahamya ko nta hantu kure Imana itavana umuntu abikubira mu ijambo rimwe ajyanisha n’igihangano cye ‘niyo izabikora’.
Aline ni umuhanzikazi mu ndirimbo zo kuramya no guhimbaza Imana; ni umuhamya w’ubuzima bugoye yaciyemo akabasha kubwigobotora.Mu myaka amaze yamamaza ijambo ry’Imana kugeza arushinze afite byinshi asangiza abakunzi be binyuze ku mbuga nkoranyambaga akanarenzaho kubagira inama nawe atiretse y’uko bakwitwara mu (...)

Sponsored Ad

Aline Gahongaire, umugore mushya nyuma y’ibizazane by’urudaca yanyuzemo, ahamya ko nta hantu kure Imana itavana umuntu abikubira mu ijambo rimwe ajyanisha n’igihangano cye ‘niyo izabikora’.

Aline ni umuhanzikazi mu ndirimbo zo kuramya no guhimbaza Imana; ni umuhamya w’ubuzima bugoye yaciyemo akabasha kubwigobotora.Mu myaka amaze yamamaza ijambo ry’Imana kugeza arushinze afite byinshi asangiza abakunzi be binyuze ku mbuga nkoranyambaga akanarenzaho kubagira inama nawe atiretse y’uko bakwitwara mu buzima.

Nyuma yo gutandukana n’umugabo we, Aline yacitse ntege nawe ubwe arabwivugira.Yahozwaga mu itangazamakuru abazwa ku itandukana rye n’umugabo we agusibiza mu ijambo rimwe gusa ‘ndi umunyamugisha’.

Clement na Knowless baje kumwegera arashikama akomeza akazi gasanzwe ndetse anakora muzika.

Aherutse kubwira Radio Rwanda ko bitewe n’uburyo itangazamakuru ryitwaye mu kibazo yagiranye n’umugabo we yari agiye kureka muzika ariko inshuti z’akadasohoka bamubaye hafi akomeza gutera intambwe.

Aline yasubije intege mu buzima..
Ubuzima bwe burimo byinshi binejeje ariko nanone yahuye n’ibibazo birimo gutandukana n’umugabo we ndetse n’uwo abyaye yitaba Imana.Ni ikintu cyamushegeje kuburyo n’ubu iyo abyibutse amarira ashoka.

Yashyize ifoto y’uruhinja kuri instagram maze yandika amagambo asubiza intege mu buzima abameze nkawe n’abandi bose bihebye kubera ibyo banyuzemo mu buzima.

Aline wumvikanisha ko ari umugore mushya yanabyitiriye umuzingo w’indirimbo aherutse gushyira hanze, yatanze urugero rw’ukuntu Ana yabyaye kandi hari benshi batabyumvaga.

Yavuze ko kwizera kurema kandi ko no kwiyaturiraho ibyiza ari byo bisubiza intege umukirisiti.

Ngo ijambo rirarema uko byagenda kose,avuga ko Imana yakoze ibya mbere ibya nyuma bitayinanira.

Yagize ati “yatumye Ana abyara agaheka.Iracyakora. Kwizera nibyiza rwose
Kwatura Neza bikagira umumaro.Kandi ijambo rirarema."

Yungamo ati “Niyo yabikoze.Niyo izabikora.Iyabivuze n’ukuri invugo yayo niyo ngiro.
Invugo yayo nihame.”

Ababuze urubyaro nawe arimo yababwiye bazabyara bagaheka hungu na kobwa.Ati “Nawe mubazabyara bagaheka urimo.Nanjye ndimo.Mu gihe cyogutekereza.Tube dushima. “

Ngo mu ijwi rirenga yumvise Imana ivuga ko atari umwana w’umuntu ngo imushyireho igisuzuguriro ahubwo imbabazi zayo zikiriho kandi ikora ibitandukanye n’ibyo abantu bibwira.Mu magambo ye ati “Nunvise umutima wanjye unyemeza ko
IMANA atarumwana wumuntu ngo ibeshye cyangwa yibeshye.

Imbabazi zayo ziracyariho.Ibasha guhindura ibidashoboka ikabigira ibishoboka.”

Yatanze urugero avuga ko Sarah uvugwa muri Bibiliya yabyaye afite imyaka 90 y’amavuko, ubundi n’imyaka umugore aba yaracuze nk’uko abahanga m’ubumenyamuntu babivuga.

Ati “Ntampanvu yo kwiheba Sarah kumyaka 90 yarasamye arabyara. Niki? Utegereje Ese ugitegereje imyaka 90.Humura rero .Iyabivuze no kubikora izabikora ntijya ibeshya. “

Yasoje avuga ko yitaye cyane kucyo Imana yamuvuzeho ‘Nitaye cyaneeeee kucyo yanvuzeho Nicyo mbona kimpindura mushya. Komera kucyo wahawe utakinyagwa.Imana iguhe umugisha.’

Nyuma y’ubu butumwa yakirijwe ubutumwa bumushimira.Bamwe bavuze ko ari umwigisha mwiza abandi bamusabira umugisha ku Mana.

Umuhanzikazi Princess Priscillah uri muri Leta zunze ubumwe za Amerika ni umwe mu banyuzwe n’ubu butumwa,yanditse agira ati “Umugore w’imbaraga!Imana irakureba kandi ibyitayeho.Isaha yayo ntijya yibeshya binyuze mu nzira zayo.Uzabyara uheke kandi Imana izaha umugisha urubyaro rwawe witwa Mama.Imigisha myinshi itagabanyije kuri wowe."


Yashimiwe ijambo ryiza yatangaje

Aline avuga ko yabaye umugore mushya wuzuye inteza y’Imana

Priscillah yasabiye umugisha Aline Gahongayire