Bahati wamenyekanye mu itsinda rya Just Family yasezeranye imbere y’amategeko n’umukunzi we Unyuzimfura Cecile, usanzwe utuye hanze y’u Rwanda.
Mu kitondo cyo kuri uyu wa Kane tariki ya 27 Nyakanga 2023 , mu umuhango wabereye ku Murenge wa Nyarugenge aho uyu muhanzi yasezeraniye imbere y’amategeko na Unyuzimfura bitegura kurushinga kubana akaramata.
Biteganyijwe ko kuri uyu munsi haba n’umuhango wo Gusaba no gukwa ahitwa Prime Garden i Gikondo ku wa 27 Nyakanga 2023.
Gusezerana imbere (...)

Sponsored Ad

Bahati wamenyekanye mu itsinda rya Just Family yasezeranye imbere y’amategeko n’umukunzi we Unyuzimfura Cecile, usanzwe utuye hanze y’u Rwanda.

Mu kitondo cyo kuri uyu wa Kane tariki ya 27 Nyakanga 2023 , mu umuhango wabereye ku Murenge wa Nyarugenge aho uyu muhanzi yasezeraniye imbere y’amategeko na Unyuzimfura bitegura kurushinga kubana akaramata.

Biteganyijwe ko kuri uyu munsi haba n’umuhango wo Gusaba no gukwa ahitwa Prime Garden i Gikondo ku wa 27 Nyakanga 2023.

Gusezerana imbere y’Imana ni ku wa 5 Kanama 2023 mu busitani bwa St Paul ari naho hazakirirwa abatumiwe muri ibi birori.

Mu gushaka amakuru, umwe mu nshuti za hafi z’uyu muhanzi yavuze ko agiye gukora ubukwe n’umukobwa uba muri Canada.

Amakuru avuga ko bombi bamaze igihe bamenyanye ndetse mu minsi yashize bahuriye hanze y’u Rwanda, ari nabwo bemeranyije ibyo kubana, Bahati akamwambika impeta.

Ku rundi ruhande amakuru avuga ko nyuma y’ubukwe, Bahati azahita atangira gushaka ibyangombwa byo kwimukira muri Canada aho umugore bagiye kurushinga asanzwe atuye.

Si Bahati gusa uzaba wimukiye hanze y’u Rwanda mu bo babanye mu itsinda rya Just Family kuko Kim Kizito asigaye atuye i Burayi, Jimmy na Chris baherutse kwimukira muri Leta Zunze Ubumwe za Amerika mu gihe Croidja atuye muri Afurika y’Epfo.