Polisi y’i Las Vegas yatangaje ko Cardi B atazahanirwa kuba yarajugunye mikoro ye mu bafana be bari bitabiriye igitaramo cyabereye i Las Vegas mu mpera z’icyumweru gishize.
Polisi yagize iti: “Nyuma yo gusuzuma neza uru rubanza no kugisha inama ubushinjacyaha bw’akarere ka Clark, iki kirego cyafunzwe kuko gifite ibimenyetso bidahagije. Nta bihano bizacibwa Cardi B ku bijyanye n’iki kirego."
Mu magambo yabo, Drew Findling, David Chesnoff na Richard Schonfeld, abavoka bahagarariye Cardi B, (...)

Sponsored Ad

Polisi y’i Las Vegas yatangaje ko Cardi B atazahanirwa kuba yarajugunye mikoro ye mu bafana be bari bitabiriye igitaramo cyabereye i Las Vegas mu mpera z’icyumweru gishize.

Polisi yagize iti: “Nyuma yo gusuzuma neza uru rubanza no kugisha inama ubushinjacyaha bw’akarere ka Clark, iki kirego cyafunzwe kuko gifite ibimenyetso bidahagije. Nta bihano bizacibwa Cardi B ku bijyanye n’iki kirego."

Mu magambo yabo, Drew Findling, David Chesnoff na Richard Schonfeld, abavoka bahagarariye Cardi B, bagize bati: “Mu izina rya Cardi, turashimira polisi ya Las Vegas Metropolitan kubwo kwita no gukemura iki kibazo vuba.”

CNN iherutse gutangaza ko ubwo Cardi B yaririmbaga muri Drai’s Beach Club i Las Vegas mu mpera z’icyumweru gishize aribwo bamuteraga amazi ari kuri stage, nk’uko bigaragara mu mashusho ya video yashyizwe ku mbuga nkoranyambaga.

Muri video, uyu muraperi agaragara arimo gusukwaho n’amazi bakuraga mu gikombe ubwo yaririmbaga indirimbo yakanyujijeho mu 2018 yise “Bodak Yellow.” Cardi B yahise agira icyo akora atera mikoro mu bari aho abashinzwe umutekano bihutira kujya kuri stage no guturisha abari aho.