Diamond yakongeje intambara y’amagambo n’uwahoze ari umugore we Zari ubwo yavugaga amazina y’abagabo yamufashe bari gusambana

Imyidagaduro   Yanditswe na: Dusingizimana Remy 24 April 2019 Yasuwe: 3385

Umuhanzi Diamond Platnumz ukunzwe cyane muri Afrika,yaciye ibintu mu binyamakuru ndetse no ku mbuga nkoranyambaga ubwo yagiranaga ikiganiro na Radio ye nshya Wasafi FM akamena amabanga menshi arimo no kwibasira uwahoze ari umugore we Zari babyaranye abana 2 yashinje kumuca inyuma agasambana na Peter wahoze muri P Square ndetse n’umusore wamukoreshaga siporo.

Ku munsi w’ejo ubwo yinjiraga bwa mbere muri iyi Radio ye,Wasafi FM, mu kiganiro gishya cya muziki cyitwa Block 89,yabwiye abanyamakuru bacyo ko yafashe Zari ari kwandikirana n’umuhanzi Peter wahoze muri P Square.

Yagize ati “Ntabwo nababeshya,Zari yagiranaga ubucuti mu ibanga na Peter wo muri P-Square ndetse nigeze gusoma ubutumwa bugufi bandikiranaga muri telefoni ye ndabibona,ndabimubaza abura ico anshubiza.Zari yanshaga inyuma n’umusore wamufashaga gukora siporo,akamuzana iwanjye mpaka mu cyumba,nkamufata nkabyihorera.Ntacyo nigeze mvuga.”

Nyuma yo kuvuga aya magambo,abantu benshi barimo bafata amajwi maze baba bayashyize ku mbuga nkoranyambaga agera kuri Zari,ako kanya ahita yifata amashusho anyomoza Diamond ndetse amutuka cyane.

Yagize ati “Reka ndase ku ngingo.Numvise Diamond yagiye kuri Radio avuga ukuntu nagiranaga ubushuti na P-Square,umutoza wanjye w’imyitozo,n’ibindi byinshi.Ndabasaba ngo ntimwizere amagambo y’umugabo wihakanye amaraso ye.Umuntu wese wizera amagambo yuriya mugabo,araba ari injiji nkawe.”

Diamond yavuze byinshi birimo ko Zari yanze ko avugisha abana babyaranye ndetse ngo ntajya yemera ko bavugana ahubwo aba ashaka ngo uyu muhanzi ahore ajya muri Afrika y’Epfo kubareba.

Zari yahise amusubiza ko ariwe wanze kubahiriza inshingano kuko ngo ntacyo abafasha yaba mu kubaganiriza ndetse no kubaha ibibatunga ahubwo ngo yigize icyamamare kitagira icyo cyitaho.

Zari yasabye Diamond guceceka ntakomeze gushyira hanze ubuzima bwabo bwite, ngo nakomeza uburaya bwe bwose azabushyira hanze,ndetse yemeza ko Diamond ariwe ndaya ikomeye yamucaga inyuma buri munsi.



Diamond na Zari bateranye amagambo karahava

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Murumuna wa Kim Kardashian yavugishije imbaga nyamwinshi y’abantu...

Kylie Jenner yashyize hanze amafoto agaragaza imiterere ye mu mwambaro...
18 July 2019 Yasuwe: 3058 0

Reba amafoto y’ibyamamare nyarwanda 34 barimo abahanzi,abanyamakuru,abaDj...

Muri iki cyumweru ku mbuga nkoramabaga hafi ya zose zikoreshwa n’abantu...
18 July 2019 Yasuwe: 3430 0

Umusaza Tito Rutaremara akaba na Senateri yagize icyo avuga ku bakobwa...

Umusaza w’ inararibonye mu Rwanda Tito Rutaremara akaba n’ Umusenateri mu...
18 July 2019 Yasuwe: 2579 0

R. Kelly yanze gutanga amande y’akayabo k’amafaranga y’u Rwanda yaciwe ahitamo...

Umuririmbyi akaba n’umwanditsi w’indirimbo wo muri Leta Zunze Ubumwe za...
18 July 2019 Yasuwe: 1419 0

Imibyinire y’umuhanzikazi wo muri Uganda ’Nwagi’ yabyinnye atsirita ikibuno...

Umuhanzikazi Winnie Nakanwagi uzwi nka Winnie Nwagi ubarizwa muri Label ya...
17 July 2019 Yasuwe: 5512 0

Umunyamidelikazi Naomi yahungabanyije imbuga nkoranyambaga nyuma yo...

Umunyamidelikazi w’umwongereza Naomi Campbell yavugishije benshi ku mbuga...
17 July 2019 Yasuwe: 7252 1