Kompanyi ya ’Rwanda Inspiration Back Up’ itegura ikanakurikirana ibikorwa bya Nyampinga [Miss Rwanda], yatangaje bimwe mu bigomba kugenderwaho kugirango umukobwa yemererwe guhatana muri Miss Rwanda 2017.
Ni ku nshuro ya Gatandatu nyuma ya Jenoside yakorewe Abatutsi mu 1994 hagiye gutoranywa Nyampinga uhiga abandi uburanga. Nyampinga uzatorwa azasimbura ku ntebe Miss Mutesi Jolly, Nyampinga w’u Rwanda 2016 wandikishije amateka ubwo yitabiraga irushanwa rikomeye ku isi rya ’Miss World 2016’. (...)

Sponsored Ad

Kompanyi ya ’Rwanda Inspiration Back Up’ itegura ikanakurikirana ibikorwa bya Nyampinga [Miss Rwanda], yatangaje bimwe mu bigomba kugenderwaho kugirango umukobwa yemererwe guhatana muri Miss Rwanda 2017.

Ni ku nshuro ya Gatandatu nyuma ya Jenoside yakorewe Abatutsi mu 1994 hagiye gutoranywa Nyampinga uhiga abandi uburanga. Nyampinga uzatorwa azasimbura ku ntebe Miss Mutesi Jolly, Nyampinga w’u Rwanda 2016 wandikishije amateka ubwo yitabiraga irushanwa rikomeye ku isi rya ’Miss World 2016’.

Aba ni bamwe mu bakobwa bahatanye muri Miss Rwanda/ Photo:Internet

Umuyobozi wa Rwanda Inspiration Back Up, Ishimwe Dieudonné benshi bazi nka Prince Kid yabwiye Inyarwanda ko kwiyandikisha bitangira kuwa kane tariki 29 Ukuboza uyu mwaka.

Nk’uko byagiye bigenda mu myaka yatambutse byitezwe ko umukobwa uzatorwa agomba gushyira umukono ku muhigo aba yariyemeje gukora muri uwo mwaka aba afite ikamba. Byitezwe ko Miss Jolly nawe azerekana uko yesheje imihigo mu gihe cyose amaranye iri kamba.

Nyampinga uzatorwa azasimbura, Miss Mutesi Jolly umaranye ikamba umwaka.

Prince Kid anavuga ko atari byinshi byahindutse ku irushanwa. Akomeza avuga ko byinshi bizaba bisa n’ ibyabaye kubabanje. Kwiyandikisha bizajya bikorerwa ku rubuga rwa Miss Rwanda kuva tariki 29 Ukuboza 2016. Buri ntara enye n’Umujyi wa Kigali hazatoranywamo abakobwa batanu, bose hamwe bakaba ni 25 bazatoranywamo abazajya mu mwiherero (boot camp).

Ibisabwa uwiyandikisha:

 Kuba ari Umunyarwandakazi
 Kuba afite imyaka hagati ya 18 na 24
 Kuba byibuze yararangije amashuri yisumbuye
 Kuba azi kuvuga neza ikinyarwanda n’urundi rurimi nk’Icyongereza cyangwa Igifaransa
 Kuba afite uburebure guhera kuri metero 1,70
 Kuba afite hagati y’ibiro 45 na 70
 Kuba atarigeze abyara
 Kuba yiteguye kuba mu Rwanda mu gihe cy’umwaka umwe aramutse atowe
 Kudashaka umugabo mu gihe akiri Nyampinga
 Kuba yiteguye guserukira u Rwanda igihe cyose ahamagawe
 Kuba yiteguye gukurikiza amabwiriza n’amategeko agenga Miss Rwanda