Icyo Tom Close avuga nyuma yo gutangwaho urugero rwiza na Madame Jeannette Kagame

Imyidagaduro   Yanditswe na: Martin Munezero 7 April 2019 Yasuwe: 3540

Umuhanzi Tom Close uherutse kwemezwa n’inama y’Abaminisitiri ngo abe Umuyobozi w’Ikigo gishinzwe gutanga Amaraso, Ishami rya Kigali (RCBT-Kigali) yasobanuye uko yakiriye akazi yahawe, byinshi ku buzima bwe n’imigambi afite mu minsi iri imbere.

Dr. Muyombo Thomas wamamaye muri muzika nka Tom Close mu kiganiro kirambuye yagiranye n’itangazamakuru yavuze ko afata umwanya yahawe nk’intambwe ikomeye kandi ishimishije yateye mu buzima.

Asobanura ko kugira ngo ahabwe uwo mwanya byanyuze mu ipiganwa agakora ikizamini, ariko ko kubera ari umwanya w’ubuyobozi ngo hari abagombaga kureba niba yujuje ibisabwa byose bikwiye umuyobozi.

Tom Close kandi asanga inshingano yahawe zitazabangamira ibikorwa bye by’umuziki kuko na mbere y’uko azihabwa yari asanzwe afatanya akazi ka leta no kuririmba, kandi ngo kugeza ubu nta wari yamusaba kureka kimwe muri byo.

Yagize icyo avuga kuri Madamu Jeannette Kagame, uherutse gusaba abandi kumwigiraho

Tom Close asanga kuba Umufasha wa Perezida wa Repubulika yaramenye ibyo akora akabishima ari ibintu bidasanzwe.

Ati “Kuba ubuzima bwa Tom Close bwaramuciye mu maso akabubona agasanga ari ikintu akwiye kuvugaho akabwira abantu ko abahanzi bakwiye kugira ubuzima abandi bareberaho ni ikintu cyandenze ni nayo mpamvu ntacyo nakivuzeho kuko numvise nta magambo akwiye yo kubivugaho mfite n’ubu sinumva ko aya nkoresheje ahagije.”

Yakomeje asaba ko buri muntu abaho azi ko hari abandi bamureba, akamenya ko nihagira ibyo akora nabi hari abo bigiraho ingaruka.

Umuhanzi Tom Close, watanze inama z’uburyo umuntu ashobora gukora ibintu byinshi icyarimwe kandi ntihagire icyangirika, avuga ko yari afite imishinga irimo igitaramo azakora amaze gutunganya neza ibyo mu kazi agiyemo.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Bushali na mugenzi we bamenyekaniye mu ndirimbo ’Ni Tuebue’ n’inkumi ebyiri...

Umuhanzi Hagenimana Jean Paul wamenyekanye cyane nka Bushali mu muziki we...
18 October 2019 Yasuwe: 1730 0

Mama wa Diamond yatumye we na Tanasha bafata icyemezo cyo kwerekana isura...

Umuhanzi w’Ikimenyabose muri Tanzania no muri Afurika y’Uburasirazuba Diamond...
18 October 2019 Yasuwe: 2976 0

Bushali na mugenzi we bakorana injyana ya Kinyatrap batawe muri yombi na...

Umuhanzi Hagenimana Jean Paul wamenyekanye cyane nka Bushali mu muziki we...
18 October 2019 Yasuwe: 2105 0

Itariki itazibagirana ku bakunzi ba nyakwigendera Lucky Dube

Lucky Philip Dube ni we mucuranzi wagurishije muzika ye kurusha abandi muri...
18 October 2019 Yasuwe: 1009 0

Mama wa Diamond yabatengushye ashyira hanze amafoto y’umwana aherutse...

Byari bizwi ko Diamond Platnumz yerekana isura y’umwana we hashize iminsi 40...
18 October 2019 Yasuwe: 4263 0

Umunyarwandakazi Kate Bashabe yavuze ku rukundo biri kuvugwa ko ruri kuvuza...

Umunyamideri w’umunyarwandakazi Kate Bashabe yavuze ko iby’urukundo...
18 October 2019 Yasuwe: 2663 0