Igihozo Darine yabaye umukobwa wa kabiri wasezerewe mu mwiherero w’amarushanwa ya nyampinga w’u Rwanda 2019, nyuma yo kutabasha kwitwara neza mu kizamini cyanditse bakoze,kuri SMS ndetse na bagenzi be ntibamutoye ngo akomeze.

Sponsored Ad

Kuri uyu wa mbere taliki 21 Mutarama 2019, nibwo akanama nkemurampaka k’irushanwa rya nyampinga w’u Rwanda kasezereye umukobwa wa kabiri mu mwiherero uwo akaba yabaye Igihozo Darine wari wambaye nimero 26 wakurikiye Higiro Joally waserewe mu ijoro ryo ku cyumweru.

Ku rutonde rw’amajwi yo kuri SMS, Mwiseneza Josiane yaje ku isonga n’amajwi 18,394, Bayera Nisha Keza aza ku mwanya wa kabiri na 10,471, Niyonsaba Josiane 10,033 kuwa 3, Mutoni Olive 9,919 uwa 4 mu gihe Uwicyeza Pamella 9,237 yabaye uwa 5.

Abakobwa 12 batsinze ikizamini ni Uwase Muyango Claudine,Gaju Anitha, Tuyishimire Cyiza Vanessa, Mukunzi Teta Sonia, Ricca Kabahenda Michaella, Uwase Sangwa Odile, Umukundwa Clemence, Inyumba Charlotte, Uwihirwe Yasipi Casimir, Nimwiza Meghan, na Murebwayire Irene.

Igihozo Darine na Umurungi Sandrine nibo babiri basigaye bagomba kuvamo umwe ugomba gutorwa n’abakobwa bakomeje, birangira Umurungi Sandrine ariwe utowe.