Ingabire Butera Jean d’Arc wiyeguriye muzika nka Knowless atangaza ko na mbere y’uko akundana na Ishimwe Karake Clement bari basanzwe baziranye mu mashuri yisumbuye ariko ko yamutinyaga mu buryo bukomeye cyo kimwe n’abandi banyeshuri bigaga ku ishuri rya APACE Kabusunzu mu mujyi wa Kigali.
Mama Or yashakanye na Ishimwe Clement ibyabo byaragizwe ibanga mu myaka irenga itandatu bamaranye mu munyenga w’urukundo.Aba bombi ntifuje kuvugwa mu itangazamakuru, gahunda zose zarahishwe kugeza igihe (...)

Sponsored Ad

Ingabire Butera Jean d’Arc wiyeguriye muzika nka Knowless atangaza ko na mbere y’uko akundana na Ishimwe Karake Clement bari basanzwe baziranye mu mashuri yisumbuye ariko ko yamutinyaga mu buryo bukomeye cyo kimwe n’abandi banyeshuri bigaga ku ishuri rya APACE Kabusunzu mu mujyi wa Kigali.

Mama Or yashakanye na Ishimwe Clement ibyabo byaragizwe ibanga mu myaka irenga itandatu bamaranye mu munyenga w’urukundo.Aba bombi ntifuje kuvugwa mu itangazamakuru, gahunda zose zarahishwe kugeza igihe bakoze ubukwe bwatashywe n’abahawe Invitations gusa.

Knowless yarushinganye na Clement benshi barakumirwa

Mu byakunze kwibazwa ho na benshi n’ukuntu aba bombi bahuye bagahuza kuko umwe yari umu ’Producer’ undi ari umunyamuziki.

Byose byatangiye Knowless yiga ku kigo kimwe na Clement kuri APACE ariko Clement yiga imbere (mu mwaka w’imbere) ya Knowless.Ngo ku ishuri Clement yahoraga ari umuntu utuje kandi utinyitse kuburyo bitoroheraga buri munyeshuri kuvuga nawe nk’uko byatangajwe na Knowless mu kiganiro yahaye Radio Rwanda.

Karake na Butera bakundanye rwihishwa

Yavuze ko byasabye igihe kinini kugirango abashe kumwisanzuraho.Ngo urukundo rwabo rwashinze imizi na mbere y’uko yinjira muri Kina Music agasinya amasezerano.Avuga kandi ko atibuka neza igihe bamaranye ariko ko imyaka itandatu yageze bari mu munyenga w’urukundo.

Butera ati :”Twariganye kuva cyera turirimbana you know[urabizi,urumva] yari umuntu twubaha cyane.Noneho kuko Clement yari hejuru yanjye urumva nyine twari tuziranye.Naramutinyaga kubi kubiiii.”

Avuga ko kuba yarakundanye na Clement bitamuhesheje amahirwe yo gukorerwa indirimbo mu buryo bworoshye kuko ngo akazi bagahaga umwanya wako iby’urukundo nabyo bakabishakira umwanya ku ruhande.Ni ibintu avuga ko byari byoroshye kubihuza kuko bombi bari baziranye bihagije.

Ati :”Mbo iby’urukundo byazaga nyuma y’akazi.Ntabwo twakoraga akazi kubera amarangamutima yacu.Twarahuje mu bintu byose bituma nyine duhuza noneho intumbero zacu turakorana tugahora dusenyera umugozi umwe ariko rero kuba twarakundana byatumye haba ikintu cyo gushyira imbaraga mu kazi.Clement yampaye umurongo ngenderwaho.”

Ngo mbere yakoraga umuziki nta muntu uza kumubwira niba hari aho yakosheje cyangwa akwiye kongeramo ingufu ariko ngo kubana na Clement byatumye hari ikintu kiyongeraho mu bijyanye n’akazi n’uburyo yakoragamo umuziki we.

Kuba abana na Clement bakanahurira muri Studio, ngo ntibyatuma buri wese ahararukwa undi kuko ngo ari inshuti nziza batahujwe n’urukundo gusa ahubwo ko ari ipfundo bapfunditse bombi.

Inkuru y’urukundo rwa Knowless na Clement ijya kumera neza n’iyo umuhanzikazi Tonzi yanyuranyemo n’umugabo we biganaga ku kigo kimwe kuri APACE Kabusunzu.

Ngo umugabo wa Tonzi yavugaga ko atakundana n’umukobwa udashabutse cyane bitewe n’uko TONZI yari atuje cyane.Ni ibintu Tonzi yivugira ko nawe yatinyaga umukunzi we ariko ko bajye gushira umukunzi we akakira uburyo yari ateyemo byo kuba umuntu utuje cyane, bagasezerana kubana akaramata.

Babyaranye umwana w’umukobwa bise ’Or Butera Ishimwe’