Miss Uwase Hirwa Honorine uhagarariye u Rwanda mu marushanwa y’ubwiza ya Miss Earth 2017 ntiyabashije kwegukana umudali muri itanu yahawe abakobwa biyerekanye neza mu mwambaro uranga umuco wabo.Ba Nyampinga baturuka mu Burayi, Amerika, Asiya ndetse na Africa bagiye barushanwa ukwabo.
Abahataniye ikamba rya Miss Earth 2017, kuwa mbere tariki ya 30 Ukwakira 2017 bakoze irushanwa ryo kwerekana umwambaro uranga umuco w’igihugu baturukamo (National Costume Competition), aho batanu ba mbere (...)

Sponsored Ad

Miss Uwase Hirwa Honorine uhagarariye u Rwanda mu marushanwa y’ubwiza ya Miss Earth 2017 ntiyabashije kwegukana umudali muri itanu yahawe abakobwa biyerekanye neza mu mwambaro uranga umuco wabo.Ba Nyampinga baturuka mu Burayi, Amerika, Asiya ndetse na Africa bagiye barushanwa ukwabo.

Abahataniye ikamba rya Miss Earth 2017, kuwa mbere tariki ya 30 Ukwakira 2017 bakoze irushanwa ryo kwerekana umwambaro uranga umuco w’igihugu baturukamo (National Costume Competition), aho batanu ba mbere bahawe imidali y’ubwoko butandukanye.

Buri mukobwa yageragezaga kwambara umwambaro ujyanye n’umuco wabo kandi wambarwa na benshi mu gihugu aturukamo.Miss ‘igisabo’ yageze imbere y’akanama nkemurampaka yambaye umukenyero ndetse n’urugori yatamirije mu ruhanga rwe.

Gusa Miss Uwase ntibashije kugira umudali yegukana muyatanzwe yose. Miss Ghana yegukanye umudari wa Zahabu; Miss Angola ahabwa umudari wa Silver, Miss Cameroon yegukanye umudari wa Bronze.

Hejuru y’ibyo hanatanzwe ibindi bihembo nabwo Miss Igisabo aburamo igikombe.
Usibye ibyo bihembo, muri ibi birori hatangajwe ibindi byiciro aba bakobwa begukanyemo ibihembo

Miss Photogenic

Nyampinga uberwa n’amafoto yatoranyijwe binyuze ku mbuga nkoranyambaga aho abantu batandukanye bemezaga uwo bashaka hanyuma akanama nkemurampaka kakagendera kuri ayo majwi nabwo Miss Uwase ntiyashije kugira icyo yegukana.Ni mu gihe Miss Vietnam yahawe umudari wa Zahabu, Miss Colombia yabonye umudari wa Silver, Miss Venezuela nawe ahabwa umudari wa Bronze.

Miss Friendship

Nyampinga wabanye neza n’abandi nawe yabishimiye.Aha bashingiye ku matsinda buri mukobwa yarimo ndetse hatangwa n’igihembo nabwo Miss Uwase ntiyabonetse aho ibihembo byegukanywe na Miss Tonga wahwe umudari wa Zahabu, Miss Switzerland wegukanye umudari wa Silver, Miss India wegukanye umudari wa Bronze.

Miss Earth Worrior

Umudari rukumbi watangarwa wagombaga guhabwa Nyampinga ufite imishinga myiza irengera ibidukikije muri iki cyiciro wegukanwe na Miss Vietnam.Best Eco-Video(Nyampinga wagaragaje video nziza zigaragaza ibyiza bitatse isi no kurengera ibidukikije).

Muri iki cyiciro ibihembo byegukanywe na Miss Puerto Rico wegukanye umudari wa Zahabu, Miss Mongolia wegukanye umudari wa Silver na Miss Cameroon wegukanye umudari wa Bronze.

Ibi bihembo biri mu bya nyuma bishobora gutuma umukobwa yegukana ikamba.Umukobwa uzegukana Miss Earth 2017 azamenyekana ku itariki ya 04 Ugushyingo 2017 aho rikomereje muri Philippines.
REBA AMAFOTO:



Abegukanye imidari mu bihembo bya Best Eco-Video

Abegukanye imidari nka ba Nyampinga baberwa n’amafoto

Banyampinga bo muri Africa bahawe imidali nyuma ryo kugaragaza umwambaro ugaragaza umuco

Uko niko Miss Igisabo yaserutse yambaye