Kuri uyu wa gatandatu tariki ya 13 Mutarama 2018 nibwo hatangiye urugendo rwo gushakisha Nyampinga w’igihugu muri uyu mwaka wa 2018, iki gikorwa kikaba cyatangiririye mu Ntara y’Amajyaraguru aho abakobwa bazahatana bamenyekanye.
Irushanwa rya Nyampinga w’u Rwanda byinshi byarahindutse hagamijwe guteza imbere iki gikorwa, Mike karangwa wari usanzwe ari umwe mu bagize akanama nkemurampaka yakuwemo asimbuzwa umunyamakuru Ishe Butera Sandire, uyu akaba ari gufatanya na Rwabigwi Gilbert ndetse na (...)

Sponsored Ad

Kuri uyu wa gatandatu tariki ya 13 Mutarama 2018 nibwo hatangiye urugendo rwo gushakisha Nyampinga w’igihugu muri uyu mwaka wa 2018, iki gikorwa kikaba cyatangiririye mu Ntara y’Amajyaraguru aho abakobwa bazahatana bamenyekanye.

Irushanwa rya Nyampinga w’u Rwanda byinshi byarahindutse hagamijwe guteza imbere iki gikorwa, Mike karangwa wari usanzwe ari umwe mu bagize akanama nkemurampaka yakuwemo asimbuzwa umunyamakuru Ishe Butera Sandire, uyu akaba ari gufatanya na Rwabigwi Gilbert ndetse na Dr.Jean Pierre Higiro.

Intara y’Amajyaruguru yaserukiwe n’abakobwa icumi; aribo Umuhoza Linda(kg59 ,cm 177), Irebe Natacha (kg56, cm172) Umutoni Paula (kg 65,cm172) Ingabire Divine (kg55 cm 178), Ibuka Ines Carine(kg50, cm170), Usanase Shamim Irene (kg57, cm 176) Ishimwe Belly Stely (kg55, cm 170) , Ishimwe Henriette(kg54,170) Umutoniwase Alpha Buyinza (kg45, cm1700 na Umutesi Nicole (kg52, cm170).

Muri iri rushanwa hari gukoreshwa indimi eshatu; Ikinyarwanda, Igifaransa n’icyongereza.Uko ari icumi babajijwe ibibazo bitandukanye bishingiye ku buzima bwabo, n’ubumenyi rusange

Mu bishingirwaho kugirango umukobwa yemererwe gutambuka harimo Uburanga bwari bufite amanota 25, ubwenge ni amanota 45 n’umuco ufite amanota 30.

Nyuma yo kwiherera kw’abagize akanama nkempurampaka bemeje ko abakobwa 6 aribo bahagarariye intara y’Amajyaraguru; Uwase Shamim Irene, Umutoniwase Paula, Ishimwe Belly,Irebe Natacha,Umuhoza Linda,Ingabire Divine.