Abakobwa 19 bari guhataniraka ikamba rya nyampinga w’u Rwanda 2022, bahawe impanuro n’Umuhuzabikorwa muri Komite Nyobozi y’Inama y’Igihugu y’Urubyiruko, Iradukunda Alodi, bibutswa ko aribo Rwanda rw’ejo hazaza.
Ikiganiro bahawe ku munsi w’ejo tariki 15 Werurwe 2022, aho cyibanze ku kwigisha aba bakobwa kumenya ko aribo Rwanda rw’ejo bityo ibikorwa byabo aribo igihugu gihanze amaso. Ati “Haranira gusiga umurage ukwiye kwiganwa. Tekereza uruhare rwawe mu gushaka ibisubizo by’ibibazo muri (...)

Sponsored Ad

Abakobwa 19 bari guhataniraka ikamba rya nyampinga w’u Rwanda 2022, bahawe impanuro n’Umuhuzabikorwa muri Komite Nyobozi y’Inama y’Igihugu y’Urubyiruko, Iradukunda Alodi, bibutswa ko aribo Rwanda rw’ejo hazaza.

Ikiganiro bahawe ku munsi w’ejo tariki 15 Werurwe 2022, aho cyibanze ku kwigisha aba bakobwa kumenya ko aribo Rwanda rw’ejo bityo ibikorwa byabo aribo igihugu gihanze amaso.

Ati “Haranira gusiga umurage ukwiye kwiganwa. Tekereza uruhare rwawe mu gushaka ibisubizo by’ibibazo muri sosiyete yacu, nko gutwita mu ngimbi, guta ishuri, ubushomeri, imihindagurikire y’ikirere n’ibindi. Nshaka ko mwumva impamvu muri hano n’ingaruka nziza imishinga yanyu izagira mu muri sosiyete.”

View this post on Instagram

A post shared by Miss Rwanda (@missrwandadotrw)

Aba bakobwa mu gihe cy’ibyumweru bitatu bamaze mu mwiherero bamaze kuganira n’abantu batandukanye yaba mu nzego za Leta.

Abamaze kubaganiriza barimo Umunyamabanga wa Leta muri Minisiteri y’Ububanyi n’Amahanga ushinzwe Umuryango wa Afurika y’Iburasirazuba, Prof. Nshuti Manasseh, mu kiganiro cyari gifite insanganyamatsiko igira iti “Isura y’u Rwanda mu ruhando mpuzamahanga cyane cyane muri Afurika y’Iburasirazuba n’uruhare rwa Nyampinga mu kuyisigasira.

Harimo kandi Bamporiki Edouard wabaganirije ku ndangagaciro z’igihugu, Umushumba w’Itorero Anglican mu Rwanda, Paruwasi ya Remera, Rev. Dr Canon Rutayisire Antoine, wabaganirije kwirinda ‘ababakoresha’ n’abandi batandukanye.

Irushanwa rya Miss Rwanda rizasozwa ku wa 19 Werurwe 2022 mu birori bizabera ku Intare Conference Arena.

Abakobwa bahataniye iri kamba batangiye umwiherero ku wa 28 Mutarama ari 20 umwe nyuma aza kuvamo.