Musaza wa Mwiseneza Josiane wafunzwe akekwaho gukoresha inyandiko mpimbano yarekuwe

Imyidagaduro   Yanditswe na: Dusingizimana Remy 28 September 2019 Yasuwe: 2422

Uwitwa Muhayimana Samuel usanzwe ari musaza wa Mwiseneza Josiane wamenyekanye mu irushanwa rya Nyampinga w’u Rwanda 2019,wari umaze iminsi afungiwe gukekwaho gukoresha uruhushya rwo gutwara ibinyabiziga rw’uruhimbano,yarekuwe yemererwa kuburana ari hanze.



Tariki 25 Nzeri 2019,nibwo Muhayimana Samuel yagejejwe imbere y’urukiko rwibanze rwa Nyarugenge akurikiranyweho gukoresha inyandiko mpimbano nyuma yo gutabwa muri yombi kuwa 10 Nzeri 2019 na polisi agiye kongeresha uruhushya rwo gutwara ibinyabiziga rwa B rw’uruhimbano.

Muhayimana yemereye urukiko ko uruhushya yafatanywe atigeze arukorera ikizamini ariko avuga ko atigeze arukoresha yewe ngo sinawe warwikoreye, yavuze ko yarufatanywe ubwo yajyaga kuri Polisi yifuza kurwongeresha cyangwa kubaza icyo yakora ngo ahabwe urwa nyarwo agahita atabwa muri yombi.

Ubushinjacyaha bwari bwasabiye uyu musore kuba afunze by’agateganyo mu gihe we yakomeje guhamya ko arekuwe byamufasha kujya gushyira gahunda z’akazi ku murongo cyane ko ari umukozi wa Equity Bank. Yanagaragaje kandi ko arekuwe atatoroka ubutabera kuko aho atuye yubatse adakodesha.

Urukiko rwarekuye Muhayimana rwavuze ko nta mpamvu zikomeye zatanzwe zatuma atoroka ubutabera, ndetse no kuba yaragaragaje ko ari umuturage utuye udakodesha aho aba bityo butegeka ko yarekurwa akajya aburana adafunze.

Ntabwo urukiko rwahise rutangaza igihe azongera kuburanira.

Isomwa ry’urubanza ryabaye ari ubushinjacyaha cyangwa n’uregwa bose nta n’umwe uhari.

Source:IGIHE

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Snoop Dogg yiyise umugabo ukurura abagore ku isi kurusha abandi

Umuraperi w’icyamamare mu njyana ya HipHOP ku Isi , Snoop Dogg, yiyise...
18 November 2019 Yasuwe: 1393 0

Davido yatawe muri yombi nyuma yo gusogotera umuntu i Dubai

Amakuru yamaze kujya ahagaragara aravuga ko umuhanzi Davido ukomoka mu...
18 November 2019 Yasuwe: 5491 0

Leta ya Tanzania yategetse Diamond na Tanasha gukora ubukwe cyangwa...

Leta ya Tanzania yashyize hanze itangazo ryemeza ko abantu babana mu buryo...
18 November 2019 Yasuwe: 10005 0

Habibah uherutse gusabwa umugabo we adahari yagaragaje inda y’imvutsi atwite...

Ingabire Habibah wamamaye ku mbuga nkoranyambaga ubwo yitabiraga...
17 November 2019 Yasuwe: 5457 0

Bobi Wine yagaragaje uko yakiriye kuba yaje ku rutonde rw’abantu 100 bakoze...

Ku rutonde ngarukamwaka rushyirwa hanze n’Ikinyamakuru cy’abanyamerika Time...
16 November 2019 Yasuwe: 1752 0

Imyambarire Justin Bieber n’umugore we bajyanye gusenga yateje ururondogoro...

Ubwo Justin Bierber n’umufasha we Hailey Baldwin bajyaga gusenga ku wa 13...
16 November 2019 Yasuwe: 6115 0