Umuraperi Muheto Bertrand uwi ku izina rya B-Threy n’umukunzi we Keza Nailla barushinze muri Werurwe bibarutse umwana wabo w’imfura.
Biravugwa ko uyu muraperi n’umukunzi we bibarutse umwana w’umuhungu mu mpera z’icyumweru gishize.
Keza Nailla wiyongereyeho izina Muheto ku mazina ye, risanzwe ari rimwe mu y’umugabo we, mu minsi yashize yari yasangije abamukurikira kuri Instagram amashusho agaragaza ko akuriwe, yenda kwibaruka. Muri Werurwe ni bwo B-Threy yarongoye. Ni mu bukwe bwabereye i (...)

Sponsored Ad

Umuraperi Muheto Bertrand uwi ku izina rya B-Threy n’umukunzi we Keza Nailla barushinze muri Werurwe bibarutse umwana wabo w’imfura.

Biravugwa ko uyu muraperi n’umukunzi we bibarutse umwana w’umuhungu mu mpera z’icyumweru gishize.

Keza Nailla wiyongereyeho izina Muheto ku mazina ye, risanzwe ari rimwe mu y’umugabo we, mu minsi yashize yari yasangije abamukurikira kuri Instagram amashusho agaragaza ko akuriwe, yenda kwibaruka.

Muri Werurwe ni bwo B-Threy yarongoye. Ni mu bukwe bwabereye i Gikondo mu Mujyi wa Kigali ahitwa 248 Events bwasusurukijwe n’umuhanzi Cyusa Ibrahim umenyerewe mu muziki Gakondo.

B-Threy na Keza Nailla bamaze igihe mu rukundo gusa bari barahisemo kurugira ibanga kugeza mu mpeshyi ya 2022 ubwo batangiraga kurugaragariza ababakurikira ku mbuga nkoranyambaga.

Gufata amashusho ubwo barushingaga byari bibujijwe kubera amabwiriza yashyizweho, uwabigerageje yabwiwe ko hari gufatirwamo amashusho y’indirimbo y’uyu muraperi.

Uyu muraperi Bertrand Muheto wiyise B-Threy uri mu batangije Injyana ya Kinyatrap, ni umwe mu baraperi bamaze kuzamura izina ryabo.

B-Threy akoze ubumwe mbere y’uko akora igitaramo kimurika EP (Extended Play) yise ‘For Life’ giteganyijwe ku wa 16 Werurwe 2023 kuri Institut Français Kigali.

B-Threy muri muzika amaze kugira album eshatu zirimo ‘Nyamirambo’ agace yakuriyemo, ‘2040’ yasohoye mu 2019 na ‘Muheto wa mbere’ yasohotse mu 2022, izi ziyongera kuri EP yise ‘Shwiii dah!’ yasohoye mu 2020. Aheruka kumurika EP ye nshya yise ‘For life’.