Pallaso yahaye gasopo umuhanzi David Lutalo urimo gukora indirimbo isa n’ iye

14 April 2017. | Imyidagaduro | 0 Ibitekerezo | Tuyishime Emmanuel
  • Pallaso yahaye gasopo umuhanzi David Lutalo urimo gukora indirimbo isa n’ iye

Umuhanzi Pallaso ukomoka mu gihugu cya Uganda, ndetse wamenyekanye mu ndirimbo nyinshi zitandukanye nka twatoba yakoranye n’icyamamare muri muzika Dadido, Koona arikumwe na Spice Diana, Sumulula ari kumwe n’ itsinda ryamamaye muri muzika Goodlife, Mundongo arikumwe na Sheeba ndetse n’izindi nyinshi zitandukanye harimo n’iyo aheruka gushyira ahagaragara mu kwezi gushize yitwa Wololo arinayo ahanini yatumye aha gasopo uyu muhanzi nawe wamamaye muri muzika mu gihugu cya Uganda uzwi ku mazina ya David Lutalo urigukora indirimbo nawe yise Wololo isa nkiye.

Ugblizz.com yatangaje ko nyuma yo kumva ko uyu muhanzi David Lutalo ari gukora ku mushinga we mu nzu ntunganyamuziki ndetse agahamya ko hari indirimbo arigukora yitwa Wololo ndetse ateganya kuyishyira ahagaragara mu minsi iri mbere. Pallaso yahise atungurwa bikomeye no kumva uyu muhanzi ndetse w’icyamamare muri muzika yakwifata agatinyuka gufata izina ry’igihangano cye ndetse kitaranamara iminsi myinshi ahagaragara agahita acyitirira icye.


David Lutalo uvugwaho gushishura igihanganbo cya Pallaso

Pallaso yagize ati” Ubu numvise ko uyu muhanzi nubaha cyane ndetse mfata nk’ umuntu ukomeye Lutalo David ari gukora indirimbo ye kandi nziza mu ntunganyamuziki yitwa Wololo, Urabizi ko uri umuhanzi mwiza ndetse uri ku rwego rwiza, uramenye rero utiyambura icyubahiro hejuru yo gukopera igihangano cyanjye ugashaka kugisubiramo! Nyabuna reka gukora ibyo bikorwa bidafite agaciro byo gusubiramo indirimbo z’ abandi kuko waba uriguha amasomo mabi n’abandi bahanzi, urabizi ndakubaha kandi nkunda ibihangano byawe, rero udatuma nkubahuka hejuru yo gusubiramo indirimbo yanjye cyane ko tutanabivuganye cyangwa ngo ubinsabe”.

Kanda hano urebe indirimbo Wololo ya Pallaso

Tanga Igitekerezo