Riderman yahaye ubutumwa bukomeye abahanzi bikuye mu irushanwa rya Salax Awards

Imyidagaduro   Yanditswe na: Dusingizimana Remy 13 February 2019 Yasuwe: 1448

Umuraperi Riderman wubatse amateka muri iyi njyana mu Rwanda, yanenze abahanzi bikuye mu irushanwa rya Salax Awards bagamije kuyica intege ndetse avuga ko nubwo hari amakosa mu kuyitegura ariko idakwiriye kwamaganwa ahubwo ikwiriye gushyigikirwa ikagira imbaraga.

Uyu muraperi uzwiho ubuhanga no gukunda ukuri,yabwiye ikinyamakuru IGIHE dukesha iyi nkuru ko abahanzi badakwiriye kwamagana ibihembo bya Salax Awards kuko bigamije guteza imbere umuziki nyarwanda,ahubwo bakwiriye kuyishyigikira igakomera kuko aribyo byayifasha gutera imbere.

Yagize ati “N’iyo haba hari ikintu kibi cyangwa se amakosa ari muri Salax abantu bagakwiriye kwicara bakaganira uko byakosorwa aho kugira ngo bumve yuko icyiza ari ukuvamo. Biba bitangaje iyo umuhanzi yumva ko adashobora gushyigikira igikorwa giteza umuziki wo mu Rwanda imbere. Kandi iyo hari uwashyizwe mu bahatanira ibihembo by’i Bugande aba yishimye impande zose abikwirakwiza. Kuki tutashyigikira iby’iwacu?.

Niba hari abaterankunga bakabaye bashora imari muri Salax ntabwo bazayiha agaciro mu gihe abahanzi bo mu Rwanda bayiciye intege. Ni nko gutema ishami wicayeho.”

Riderman witabiriye Salax kuva yatangira kugeza ubu, yavuze ko atemeranya ijana ku ijana n’imitegurire yayo,ariko yahisemo kuyishyigikira we na bagenzi be basanzwe bakora injyana ya Hip Hop batandukanye.

Bamwe mu bahanzi bikuye muri ibi bihembo ku mpamvu bavuga ko ari izabo bwite gusa bakomeje kunengwa cyane n’abafana ba muzika bibaza impamvu bakora umuziki ariko bakanga ibihembo.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Tanasha Na Mushiki wa Diamond ntibavuga rumwe ku mwana yabyaye

Mushiki w’umuhanzi wo muri Tanzania, Diamond Paltnumz yatangaje ko umukunzi...
14 September 2019 Yasuwe: 7463 0

Miss Vanessa wamamaye muri Miss Rwanda 2015 yambitswe impeta n’umuherwe...

Umukobwa witwa Uwase Vanessa Raissa wamamaye mu irushanwa rya Miss Rwanda...
14 September 2019 Yasuwe: 4481 0

Tanasha yavuze ku ifoto y’umwana Diamond aherutse gushyira hanze

Umunyamakuru, umuhanzi akaba n’umugore w’icyamamare mu muziki Tanasha Donna...
13 September 2019 Yasuwe: 5389 0

Umuraperi w’umunyapolitiki ukomeye muri Cameroun yakoze amateka akorera...

Umuhanzi ufite ibigwi bikomeye mu njyana ya Hip Hop mu gihugu cya Cameroun...
13 September 2019 Yasuwe: 2848 0

Asinah Erra yatangaje izina ry’ indirimbo yakoranye na Riderman bahoze...

Umuhanzikazi Asinah Erra yamaze kwemeza ko agiye gushyira hanze indirimbo...
13 September 2019 Yasuwe: 2100 0

Nana wo muri City Maid yavuze ku by’urukundo rwe na Kizito Mihigo n’ubukwe...

Ni nyuma y’inkuru zavuzwe cyane hirya no hino bivugwa ko Umukobwa witwa...
13 September 2019 Yasuwe: 12835 1