Umujyanama wa Shaddyboo wanakoranye n’inzu z’imiziki zitandukanye Rwema Denis yasabye anakwa Uwase Faith nyuma yo gusezerana imbere y’amategeko bakemeranya kubana nk’umugore n’umugabo.

Sponsored Ad

Uyu muhango wo gusaba no gukwa wabaye kuri uyu wa 16 Ukuboza 2022 mu mujyi wa Kigali ahazwi nko kuri Juru Park ku Irebero.

Inshuti abavandimwe ndetse na bamwe mu byamamare barimo Miss Muheto, Promesse Kamanda ndetse n’abandi bari babukereye ndetse ubona ko bishimiye ib birori.

Umunyamakuru wa RBA Basil Uwimana umenyerewe mu misango yo kuyobora imisango y’ubukwe n’ibindi birori bitandukanye niwe wayoboye uyu muhango.

Danis wakoranye n\abahanzi batandukanye barimo Urban Boys, Charly na Nina ndetse n’umunyamideli Shaddyboo yasabye anakwa umukunzi we nyuma y’uko ku wa 14 Kamena yamwambitse impeta bombi bemeranya kubana akaramata.

Ku wa 15 Ukuboza 2022 Denis na Faith bahamije isezerano ryabo imbere y’amategeko bemeranya kubana nk’umugore n’umugabo.

Biteganyijwe ko aba bombi barasezerana imbere y’Imana mu usengero rwa EAR Remera kuri uyu wa 17 Ukuboza 2022.