Umuririmbyi Kabera Robert ari mu basirikare bazamuwe mu ntera kuri uyu wa gatanu tariki ya 12 Mutarama 2017 na Perezida wa Repubulika y’u Rwanda Paul Kagame akaba n’umugaba mukuru w’ingabo z’u Rwanda, RDF.
Robert azwi cyane mu itsinda ‘Army Jazz Band’ ry’abasirikare baririmba indirimbo zivuga ubutwari bw’ingabo z’u Rwanda.Uyu muhanzi rero akaba yavuye ku ipeti rya staff sergeant ashyirwa kuri Sergeant Major, akaba yemeje aya makuru mu kiganiro yahaye KISS FM.
Yavuze ko ari ibyishimo bikomeye (...)

Sponsored Ad

Umuririmbyi Kabera Robert ari mu basirikare bazamuwe mu ntera kuri uyu wa gatanu tariki ya 12 Mutarama 2017 na Perezida wa Repubulika y’u Rwanda Paul Kagame akaba n’umugaba mukuru w’ingabo z’u Rwanda, RDF.

Robert azwi cyane mu itsinda ‘Army Jazz Band’ ry’abasirikare baririmba indirimbo zivuga ubutwari bw’ingabo z’u Rwanda.Uyu muhanzi rero akaba yavuye ku ipeti rya staff sergeant ashyirwa kuri Sergeant Major, akaba yemeje aya makuru mu kiganiro yahaye KISS FM.

Yavuze ko ari ibyishimo bikomeye kuba yazamuwe mu ntera aboneraho gutangaza ko atakiri Staff Sergeant, ati “Nibyo ubu nabaye Sergeant Major, ntabwo nkiri kuri rya peti nahozeho.”

Uyu muhanzi benshi bakomeje kumwitwa Sergent Robert kandi yarazamuwe mu ntera mu gisirikare cy’u Rwanda, RDF.Yatangiye kumvikana mu mitwe ya benshi muri muzika akoresha umuriri uhorana ingabo z’u Rwanda, amenyekana benshi bari bazi ko Sergeant Robert ari izina rye bwite nyamara ari ipeti yari agezeho.

Robert yazamuwe mu ntera na Perezida Kagame

Iri zina kandi nawe yakunze kuryumvikanisha cyane mu bihangano bye.Nyuma yaje kuva kuri Sergeant ashyirwa kuri Staff Sergeant benshi bakomeza kumwita Sergeant Robert bitewe n’uko abafana be bari baramaze kumenyera Sergeant Robert.

Sergeant ni ipeti yari amazeho imyaka 8; binyuze mu itangazo ryashyizweho umukono n’Umuvugizi w’Igisirikare cy’u Rwanda, Lt Col Munyengango Innocent, uyu muhanzi ari mu bazamuwe mu ntera na Perezida Paul Kagame.

Ibihangano byuzuye ubutumwa butandukanye rimwe akanyuzamo ibihangano byo guhimbaza Imana, Robert azwi cyane mu ndirimo nka Weekend’ yuje umudiho ndetse n’indirimbo ‘impanda’ hamwe na ‘Serious’.