Umuhanzikazi Sunny yishyuje nabi Nameless Campos na Bruce Melodie abashinja kumurya ibihumbi 30 by’amadolari ku ndirimbo

Imyidagaduro   Yanditswe na: Dusingizimana Remy 15 April 2019 Yasuwe: 3401

Umuhanzikazi Ingabire Sunlight benshi bazi nka Sunny yaguye gitumo Bruce Melodie na Nameless Campos bari muri Hotel,abatwara amatelefoni yabo,nyuma yo kubishyura amadolari ya US asaga ibihumbi 30 ntibamuhe indirimbo ye.

Iyi ndirimbo yise Kungola yakoranye na Bruce Melodie amwishyuye ibihumbi birenga 4000 by’amadolari ya US,imaze amezi 5 ikozwe yaba mu majwi n’amashusho,ariko Nameless Campos ukora Video yanze kuyishyira hanze kandi yarishyuwe amafaranga yose.

Nkuko Sunny yabitangarije ikinyamakuru Afrimax gikorera kuri You Tube,yavuze ko amaze amezi 5 ahamagara Bruce Melodie na Nameless Campos bakanga kumwitaba ariyo mpamvu yaturutse muri Kenya aje kubishyura bikaba amahire akabagwa gitumo bari gusangirira umuvinyo muri Hoteli.

Yagize ati “Indirimbo yanjye imaze amezi 5 ikozwe ariko Melodie naramubuze.Nameless Campos niwe ufite Video,sinzi impamvu batayimpa.Maze igihe mbahamagara bakanga kunyitaba.”

Bruce Melodie nta kibazo afitanye na Sunny kuko yaririmbye mu ndirimbo yishyuriwe ndetse anagaragara mu mashusho yayo,ariko Sunny yamushinje ko ari kumugambanira kugira ngo iyi ndirimbo idasohoka,yemeza ko kuba yasanze bari kumwe bari no gusangira ari akagambane barimo ko kurigisa iyi video.

Bruce Melodie yagize ati “Indirimbo yanyishyuriye nayiririmbyemo ndetse n’amashusho nayagaragayemo.Niyishyuze Campos ufite Video ye njye twararangizanyije ntacyo ambaza.”

NamelesS Campos ukora Video yabwiye aba banyamakuru ko yagize akazi kenshi katumye atarangiza iyi ndirimbo ya Sunny,ariko ngo nta gihe bigeze bavugana ko igomba kuba yarangiye.

Yagize ati “Nta kibazo mfitanye na Sunny.Video irahari gusa ntabwo nkora video imwe gusa.Mba mfite abakiliya benshi.Yaraje asanga mfite Projects nyinshi.Ntabwo nari kuzihagarika kugira ngo mukorere.Indirimbo irahari,yakozwe neza ndetse niya Video nziza cyane buri wese azabona akayikunda.Ibintu byose gigiye kurangira,nimbona umwanya nzicara kuri Video nyirangize.Yaranyishyuye ariko ndi hafi kuyirangiza.”

Nameless Campos warimo yisekera,yeretse abanyamakuru Video y’iyi ndirimbo kuri Telefoni yari afite bigaragaza ko ihari ariko nta bushake afite bwo kuyirangiza ngo ayishyikirize Sunny.

Muri aya mashusho yagiye hanze yagaragaje Sunny afite uburakari bwinshi aho yavugaga ko yageze mu Rwanda nimugoroba avuye muri kenya hanyuma mu gitondo umwe mu nshuti ze wamunekeraga abona Bruce Melodie na Nameless binjiye muri hotel niko kuza abagwa gitumo.

Sunny wari urakaye cyane yabwiye Nameless ko agomba kurara abonye Video ye,ahita atwara telefoni ye n’iya Bruce Melodie ashinja ubugambanyi muri iyi ndirimbo Kungola.

Sunny wamamaye cyane kubera kuvuga ko nyuma y’imyaka 2 avuye mu Rwanda yibagiwe ikinyarwanda ndetse akavuga ko yatwite mu buryo bw’igitangaza ataryamanye n’umugabo,yari afite agahinda kenshi yatewe n’ubuhemu ashinja Melodie na Nameless Campos utunganya Video mu gihe amajwi yo yakozwe neza na Madebeats.

Amakuru aravuga ko Sunny yirukanwe n’umugabo we babana muri Kenya nyuma yo kumwishyura iyi ndirimbo ntayimwereke,ariyo mpamvu yaje yarakariye aba bagabo babiri bamusenyeye urugo.




Sunny arashinja Nameless Campos na Bruce Melodie gushaka kumurya ibihumbi 30 by’amadolari ya USA

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Reba ingamba Wema Sepetu na Hamisa Mobeto bafashe nyuma yo gutandukana na...

Abakobwa babiri Hamisa Mobeto na Wema Sepetu bakomoka muri Tanzania,...
20 September 2019 Yasuwe: 1346 0

Ali Kiba yavuze ku bivugwa ko urugo rwe rugeze aharindimuka nyuma y’umwaka...

Umuhanzi ukundwa na benshi muri Tanzania,Ali kiba yatangaje ko we n’umufasha...
20 September 2019 Yasuwe: 1172 0

Rwabuze gica hagati ya Bruce Melodie na Sunny bapfa indirimbo...

Mu minsi ishize nibwo umuhanzikazi Sunny yashyize ahagaragara avuga ukuntu...
19 September 2019 Yasuwe: 4222 1

Zari Hassan yarakariye abafana be bashyize hanze ifoto y’umukunzi we amaze...

Icyamamare ku mbuga nkoranyambaga Zarinah Tlale uzwi nka Zari Hassan...
19 September 2019 Yasuwe: 6411 0

Umunyamakurukazi w’ikizungerezi muri Uganda yavuze ku rukundo rwe na Paul...

Uwahoze ari umunyamakuru wa NTV witwa Sheila Nduhukire umaze iminsi aca...
19 September 2019 Yasuwe: 5722 0

Miss Ingabire Habibah agiye kurongorwa

Umukobwa witwa Ingabire Habibah w’imyaka 21 y’amavuko wahagarariye u Rwanda...
19 September 2019 Yasuwe: 2614 1