Umwana wa Beyonce na Jay Z witwa Blue Ivy w’imyaka 6 yatunguwe n’amashusho agaragaza imibyinire ya mama we Beyonce yambaye utwenda tw’imbere,bituma yipfuka mu maso ,ubwo bari mu gitaramo mu Bwongereza.

Sponsored Ad

Muri ibi bitaramo byo kuzenguruka hirya no hino ku isi Beyonce na Jay Z bari gukora bise ’On The Run II,baraye baririmbiye mu mujyi wa London aho hagaragaye agashya kadasanzwe k’umwana wabo w’umukobwa Blue Ivy watunguwe n’imibyinire ya mama we mu mashusho beretse abantu muri iki gitaramo.

Ubwo bashyiraga aya mashusho ku mateleviziyo manini yari muri stade,uyu mwana w’umukobwa yatunguwe na mama we ndetse agira ubwoba bigera ubwo ahisha amaso ye ntiyakomeza kureba iyi mibyinire ya mama we.

Mu mashusho yerekanye uyu mwana w’umukobwa yabonye mama we atigisa ikibuno yambaye utwenda te’imbere,niko guhisha amaso ye ndetse apfuka ibiganza bye ku maso ntiyakomeza kureba ibyo mama we yakoze.

Beyonce na Jay z baherutse gushyira hanze umuzingo w’indirimbo 8 bafatanyije bise Everything is Love ndetse bashyira hanze amashusho y’indirimbo yabo bombi bise Apes**t.