Ikipe ya Chelsea yavugirijwe induru n’abafana bayo ku kibuga cyayo,Stamford Bridge,nyuma yo gutsindwa igitego 1-0 na Southampton.
Ikipe ya Chelsea yatakaje amanota 6 yose muri uyu mwaka w’imikino imbere ya Southampton ya nyuma muri shampiyona.
Uku gutsindwa kwaturutse ku mupira uteretse [free kick] watewe na kabuhariwe James Ward-Prowse mu gice cya mbere.
Graham Potter ari mu mazi abira kuko abafana batangiye kumusabira kwirukanwa nyamara akiri mu mwaka we wa mbere mu myaka 5 yahawe. (...)

Sponsored Ad

Ikipe ya Chelsea yavugirijwe induru n’abafana bayo ku kibuga cyayo,Stamford Bridge,nyuma yo gutsindwa igitego 1-0 na Southampton.

Ikipe ya Chelsea yatakaje amanota 6 yose muri uyu mwaka w’imikino imbere ya Southampton ya nyuma muri shampiyona.

Uku gutsindwa kwaturutse ku mupira uteretse [free kick] watewe na kabuhariwe James Ward-Prowse mu gice cya mbere.

Graham Potter ari mu mazi abira kuko abafana batangiye kumusabira kwirukanwa nyamara akiri mu mwaka we wa mbere mu myaka 5 yahawe.

Chelsea yatsinze imikino 5 muri Premier League muri 17 imaze gutozwa na Potter muri uyu mwaka w’imikino,bituma iyi kipe ya Stamford Bridge iri ku mwanya wa cumi n’amanota 31.

Bwana Potter afite impuzandengo y’intsinzi ya 29.4 muri uyu mwaka w’imikino

Nyuma y’uyu mukino wo ku wa Gatandatu,abakinnyi ba Chelsea bavugirijwe induru n’abafana babo ndetse bamwe basaba ko Potter yakwirukanwa.

Umwe mu bafana yagize ati "Mwirukane Potter mbere y’uko amazi arenga inkombe."

Undi ati "Graham Potter ni igisebo ariko abakinnyi ntabwo bakangwa no kunengwa.Imikinire yo ku rwego rwo hasi.

Undi yagize ati "Abantu bananiwe kwizera Imana bizera Graham Potter. Niyo si y’agahinda tubamo."

Icyakora Bwana Potter yavuze ko nta kintu yishinja ku musaruro mubi ikipe ye ifite muri iyi minsi.

Yagize ati "Nyuma yo gutsindwa igitego 1-0 mu rugo,kunengwa kose wakwakira kuba kumvikana.Turi mu bihe bibi kandi dufite ibibazo byo kwinjiza abakinnyi bakiri bato muri Premier League.

Iyo utari gutsinda biba bikomeye.Ubu niko bimeze.Abantu bashobora gutekereza ko arinjye kibazo.

Ntabwo ntekereza ko bari mu kuri ariko ntibivuze ko batatanga ibitekerezo byabo."

Chelsea imaze gutsinda inshuro imwe gusa iri mu rugo mu mwaka wa 2023.